LAD

Lunglei District LAD hi Dt 7th April, 1967-a din tan niin hruaitu tha tak tak ten Department hi enkawlin Pathian leh Kohhran hruaitute thlazar hnuaiah thawhhona tha tak leh pheikhai rual takin Chanchin tha theh darhna kawngah te, Kohhran a tlak balnaah theihtawpa tuam hlawm hna thawkin vawiin thleng hian chak takin hma a la chhunzawm zel a. Kum 2017-ah khan UPC Biak In, Farm veng Local, Lunglei-ah District L.A.D Conference hman niin, hemi rual hian Golden Jubilee lawmna neih nghal a ni a; Ruai nen ropui taka lawm a lo ni tawh a ni. District LAD hian Bial 21-ah LAD dinna Local 109 awmin Member 4,233 a nei mek a, Bible Women 14 (Sawmpali) an awm bawk a ni. Lunglei District LAD hian District chhung mai bakah, General Missions Field-lamah te Biak In sak hna a thawk nasa em em a. Hei mai bakah hian hnuchham enkawlna kawngah pawh a thawh hlawk hle bawk a ni. Kum tin ASC Home tan sponsorship leh Envelope te khawnin hma a la a, thilpek eng emaw zat a lo pe tawh bawk a ni. Tin, Calvary Bible College (CBC) student-te hnenah scholarship kum tin pein CBC tan pawh a thawh hlawk thin hle a ni. District chhunga Bial leh Local programme- Jubilee, Conference etc. ah te telpui thinin thilpek te a pe thin a, phak ang tawkin District huap programme ni lem lovah pawh, LAD te tan hma nasa taka la-in a thawhpui thin a ni. Thianghlimna lamah pawh a thawh hlawk hle a, kum tin zuk leh hmuam nghei leh chhungkaw maicham neih dan report la khawmin hmasawnna kawngah a tul dan ang zelin hma a la chhunzawm thin a. Hei mai bakah hian fanaute Lalpa hnena hruai kawngah Lunglei District LAD hian hma la-in tu leh fate puala tawngtaina a neih thin mai piah lamah, hetiang lama inzirtirna atan ‘Kawng Dik Kailawn’ tih lehkhabu hial a lo buatsaih ve tawh bawk a ni. Lunglei District LAD tun hun thlenga min hruaitu Pathian chungah lawmthu awm se la. Tun dinhmun thleng theia he Department hruaina hna rinawm taka lo chelh tawhtu zawng zawng te leh, Kohhranin hma a sawn zel theihna tur leh chanchin tha theh darhna kawnga tha leh zung thawh thintu te leh bang lova tawngtaisaktu zawng zawng te chungah, Lunglei District LAD chuan thinlung takin lawmthu a sawi mawlh mawlh a ni.