PYD

Pentecostal Youth Department, Lunglei District hi Dt. 21st May, 1966-a South Mizoram District UPC Special Business Meeting (Lunglei District UPC indan hnua District Conference vawi 1-naa ngaih a ni) rorel No. 13-na chuan mi thahnem ngaitute rawtna chu pawmin District huap thalai pawl chu din a lo rem ti a. Tichuan, 21st May, 1966 hi District PYD din tanna chu a lo ni ta a ni. Hruaitu turte pawh thlang nghalin anni hian 22nd May, 1966 atang hian District PYD kaihhruaina hna an thawk tan nghal a ni. A tirah chuan America rama thalai pawl hming ang, ‘Pentecostal Conqueror’ tih chu thalai pawl hming atan put nghal a ni a, amaherawhchu Mizoram chu ram buai a lo nih avangin ‘Conqueror’ tih chu put a rem lohna a lo awm tak avangin March 21, 1969-a N.E India UPC Executive Board chuan thalai pawl hming atan ‘Pentecostal Youth Department’ tih ni se tia a rel angin tun thleng hian chu hming chu a pu ta a ni. A awmzia chu, ‘Pentecost Kohhran Thalai Pawl’ tihna a ni. DISTRICT PYD HNATHAWH THENKHAT TE : Lunglei District PYD te hi kohhran tha chhang dawltu an nih angin a din tirh atangin kohhran tan an chhawr na-awm em em a, a hnathawh pawh sawi kim a harsa hle dawn a, a then a zar a pawimawh zual nia lang chauh lo tarlang ila :-

1. Blood Donation Calendar: Blood Donation calendar siamin kumtin Bial PYD ten Civil Hospital Lunglei tan Thisen pek thin a ni a, kum tin Thisen Unit 460 vel pek thin a ni.
2. Environment Protection: District PYD Environment Protection Committee hmalakna in thingphun beihpui thlak thin a ni a. A phun chauh nilo in thingphun te hi ukuk taka enkawl chhunzawm leh thin a ni. Khawpui pawn PYD te pawn plantation site neiin PYD park nei te pawh an awm a, Environment Forest & Climate Change Dept atangin Best Planting Agency lawmman pakhatna pawh kan dawng tawh a ni. Tin, hman khat daih plastic hmang lo tura inzirtirna uar taka kalpui niin PYD inkhawmpui leh puipun nikhua ah plastic lam chi reng reng hman a ni ngailo a ni.
3. Ruihhlo Do Hmalakna: Ruihhlo laka thalaite kan fihlim theih nan nasa taka hmalak niin google form hmangin survey neih a ni a. Trainers training buatsaih niin ruihhlo do awareness programmee hmun hrang hrangah neih a ni a, a rual tlangin chhungkaw zan hman a ni bawk. Tin, Pentecostal Children Department (Pentecost Naupang Pawl) te nen tang tlangin ruihhlo laka naupangte an fihlim theih nan thawhho a ni bawk.
4. Street Ministry: Ruihhlo ti mek ten an sim a Isua lam an lo hawi theih nan Street Ministry chu kum 2025 atangin kalpui tan a ni a, khawlaia ruihhlo ti vak rawlaite eitur pe in an Lu chungah kut nghakin tawngtai sak an ni bawk. He rawngbawlna hi kalpui chhoh zel niin nasa zawka hmalak chhoh zel tum a ni.
5. Chawimawina Hlan: PYD member Zirlai hlawhtling leh eizawnna/hna hmu thar (Gazetted Officer chin) te chawimawina hun hman thin a ni.
6. Lehkhabu Buatsaih: Khawtlang nun siamthatna leh nun dan mawi inzirtirna lam lehkhabu siam a ni a. Local PYD tinah sem chhuakin fellowship na ah zir a ni.
7. Missionary Support: Lunglei District PYD hian General Missions Department hnuaiah Missionary 10 (Sawm) a chawm mek a ni.
8. Bible College Support: Lunglei District PYD member Bible College a kal mekte kumtin financial support a pe thin.