Missions

Lunglei District ah Missions Department hi Date 24 March, 1972-ah din a ni a, Lunglei District Missions Department hmalakna kal mek 2025 – 2026 chhung atan Home Missionary sawm (10) rawih mek an ni. A tulna apianga rawngbawl turin Free Evangelist pahnih rawih a ni bawk a, tun dinhmuna Missionary kan rawihte chu hengte hi an ni :- 1. Evan. R. Lalrokhawma - Chengpui Mission Field
2. Evan. Lalhriatmawia - Ramlaitui Mission Field
3. Evan. R. Lalthlamuana - Free Evangelist
4. Evan. T. Biaklala - Vaisam Mission Field
5. Evan. T.Laltlawmlova - Ralvawng Mission Field
6. Evan C. Zodinpuia - Free Evangelist
7. Rbt. Hminghlumawia - Tlabung Dinthar Mission Field
8. Rbt.Vanlalpeka - Bualpui V Mission Field
9. Rbt.PC Laldingliana - Phairuangchhuah Mission Field
10. Rbt.Lalthlamuanawma - Putlungasih Mission Field
11. Rbt.K. Lalchhantluanga - Thiltlang Mission Field
12. Evan.PC.Lalhmingthanga - Zehtet Mission Field

Kum 2011 khan Lunglei District Missions Department hian Motor (Bolero) lei a ni a, 2022-ah a thar lei leh niin, 2023 atangin District Kohhranpuiin Driver min rawihsak a, Tunah hian Driver atan Bro. TC.Lalramchhanmawia rawih mek a ni.

HMALAKNA THENKHAT TE :-

• Rinna thutiam : District Missions Department hmalakna kal zel a ni a, District Mission Conference Pathian ni tuk Inkhawmnaah Rinna Thutiam neih thin a ni. Kum 2019 a District Missions Department Conference rorelna chuan ti danglamin ‘Lunglei District chhung Local tinah neih ni tawh se’ tia a rel angin, bial Missions hruaituten hma lain Local tinah Rinna thutiam chu neih a lo ni ta a ni. Heng Rinna Thutiam atanga kan hmuh zawng zawng hi Lunglei District-a kan Home Missionary te lawmman atan hman thin a nih avangin Home Missionary te kan chawm theihna kawng hnai tê a ni.
• Buhfaitham : Kum 2010 District Board vawi 160-na rorel no. 16-na chuan Disrict Missions Department-ah lut tawh se tiin a rel a, Chumi atang chuan District Missions Department sum pui ber a lo ni ta a ni. Tualchhung tinten Buhfaitham an rawn theh luh hmun thuma then hmun hnih chu General Missions Department-ah a lut a, hmun khat la awm chu Kohhranpuiin a zat chiaha do letin District Missions Department sum hnar ber a lo ni ta a ni. Heng atang hian Lunglei District Missions Department chu a inenkawl ve mek a ni.
• Partner In Mission ( PIM) : Hei hi General Missions atanga lo kal niin kum sawm vel liam ta atang khan General Missions hnuaia Missionary chawmna thilpek mimalin emaw pawl hovin emaw ( Thlatin Rs 1000/- kum khatah Rs 12000/-) pek theihna a ni. Kan thawh lawm hmuh zawng zawng hi a zavaiin General Missions-ah kan thehlut vek thin a ni.
• General Target/ District Target : General atanga lokal a ni a, District Board chuan bial tinah a sem a bial chuan Local-ah sem lehin District Target tiin bial leh Local chuan kan sawi dan ber a ni a. District Treasurer report lamah erawh chuan General Target tia report a ni ve thung. Tualchhungin an rawn pek luh zawng zawng hi a zavaiin General lamah pek luh vek a ni a. General Missions Department inenkawlna tur a nih avangin District Missions lam chuan engmah chan kan nei ve lo a ni.
• General-a luan chhuahna : General Target leh Buhfaitham kan pek luh bakah General lam hian Project min rawn siamsak thin a. Chung Project te chu entirnan - Biak In, Pastor Quarters, In hmun leh ram etc., chutiangah chuan keini Lunglei District hi kan hruaitu hmasa te atang daih tawh khan kan lo luang chhuak nasa khawp mai a, kan luan chhuah leh thil tihte hi Pathian zarah sawi vek sen pawh a ni tawh lo hial a ni.
• Lunglei District chhung hmalaknaah : A hma lama kan sawi tawh ang khan Lunglei District Missions Department hian nasa takin Chanchin Tha puan darhnaah ke a pen tawh a, a pen zel bawk a ni. Home Missionary pawh eng emaw zat a lo ruai tawh thin a, a la ruai kal zel bawk a ni. Chu bakah chuan Crusade team te tir chhuakin hma a lo la tawh thin bawk. Home Mission Field-ah Missionary Quarters pawh changtlung tak neih zel a ni bawk a, mimal leh pawlho thahnemngaitu hnen atangin thilpek sum leh pai leh bungrua te pawh kan dawng bawk thin a, kan lawm hle a ni.