PCD

PCD Lunglei District hi Dt. 13th Dec. 2006 khan District Board (Kohhranpui) in Organiser anga din a ni a, hemi ni hi District PCD Day atan hman a ni. Bro. B. Lalchangliana (Venghlun) chu Organiser atan ruat a ni a, ani kaihhruaina hnuaiah kum 2007-2008 chhung chu hmalak a ni a, Kum 2009-2010 atang chuan Office Bearer angin District Board (Kohhranpui) in a form tan ta a ni. PCD Zirlaibu hi Naupang a lian pawl leh a te pawl zir tur buatsaih thin a ni. PCD Rally neih thin a ni a, Rally hmasa ber chu Dt. 28th - 29th November 2009-ah neih a ni. Bialin PCD Rally an hmanin District OB te sawm kan nih angin Bial hrang hrangah Rally hmanpui thin a ni a, Speaker-ah te tangin hun hman thin a ni. Hei bakah hian intihsiaknaah Judge-ah te tangin kan telpui thin a; Rally-naah hian Seminar leh tul dang apiangah mawhphurhna min pek ang te tihsak thin bawk a ni. Local hrang hrangah Seminar leh Awareness neih te, PCD Day hmanpui te’n kal chhuah thin a ni a. Bial tinah Rally nei tura ngenna siam thin a ni. Ruih theih thil leh Zuk leh hmuam laka naupang te an lo fihlim theih nan theih tawpa hmalak a ni a, Bial leh Local-ah hmalakna kalpui a ni. Tun dinmunah PCD hi Bial 19, Local 83-ah din mek a ni a; membership fee Rs 5/- niin District PCD-ah chhun luh thin a ni. Tun dinhmunah PCD Member zawng zawng 3,511 niin, mipa 1,801 leh Hmeichhia 1,710 kan ni.