HAULAWNG BIAL LO DIN DAN CHANCHIN

Haulawng bial hi Lunglei District-ah UPC a din atanga bial hawn hmasakte zing a mi a ni hial awm e. Lunglei District, a hranga kan din hma atangin Haulawng bial hi a lo awm tawh a. Hetiang hi bial lo din dan a ni. Kum 1961-a Thangte khuaa Chhim leh Hmar, Joint Circle Conference rorel, Ni 30 September, 1961, rorel no. 6-na chuan, ‘General-ah Pastor pali (4) dil belh ni se’ tiin a rel a. Chu chu General District Board Ni 25 May, 1962 chuan interview te neihpuiin, Chhim lam tan Pastor pahnih (sum harsatna avangin pali chu an ti thei ta rih lo a ni), Evan. Hrangtlinga, Herhse leh Evan. Hrangchhina, Chawngtui chu min laksak (appointed) ta a ni.

General District Board rorel No. 7-na chuan, Pastor thar Hrangtlinga, Herhse khua chu Haulawng bial thar bial turin a ti a, rorel No. 8-na chuan June 1962 atanga bial mawh la turin a rel ta a ni.

BIAL KOHHRANPUI HRUAITU TE

Bialtu Pastor lo ni tawhte :

• Rev. Hrangtlinga : 01.06.1962 – 30.09.1983
• Rev. Hrangchhina : 01.10.1963 – 30.06.1979
• Rev. Lalhranga : 01.07.1979 – 31.12.1979
• Rev. Rodawla : 01.01.1980 – 15.04.1983
• Rev. Saidawla : 16.04.1983 – 28.02.1986
• Rev. Zalawma : 01.03.1986 – 17.01.1987
• Rev. C. Darnghaka : 18.01.1987 – 03.05.1989
• Rev. T. Bualzika : 04.05.1989 – 31.12.1994
• Rev. PC. Nghakliana : 01.01.1995 – 31.12.1998
• Rev. R. Lalrosanga : 01.01.1999 – 14.01.2000
• Rev. PC. Rosanga : 15.01.2000 – 14.03.2004
• Rev. Ralkapkunga Khiangte : 15.03.2004 – 14.03.2006
• Rev. C. Darkhuma : 15.03.2006 – 31.12.2010
• Past. PC. Lalfakawma : 01.01.2011 – 01.04.2012
• Pastor H. Rothuama : 01.08.2012 – 30.04.2014
• Rev. C. Hmingthanfala : 01.05.2014 – 14.05.2018
• Rev. R. Lalsangzuala : 15.05.2018 – 2023
• Pastor Lallawmsanga : 2023 – till date

Bial Secretary/Treasurer lo ni tawhte :

• Bro. H. Rongaia : 01.06.1962 – 15.03.1965
• Upa Kaphranga : 16.03.1965 – 14.02.1967
• Evan. PC. Lunghnema : 15.02.1967 – 27.03.1976
• Evan. Zalawma : 28.03.1976 – 24.02.1979
• Upa B. Saikhuma : 25.02.1979 – 11.03.1983
• Evan. C. Darkhuma : 12.03.1983 – 14.03.1985
• Evan B. Biakmawia : 15.03.1985 – 15.03.1991
• Evan. Aichhunga : 16.03.1991 – 19.02.1993
• Evan. R. Lalthlamuana : 20.02.1993 – 29.12.1996
• Evan. B. Hrangkhuma : 30.12.1996 – 28.12.1998
• Evan. B. Biakmawia : 29.12.1998 – 08.01.2001
• Evan. R. Lalthlamuana : 09.01.2001 – 12.01.2003
• Evan. H. Hmuakliana : 13.01.2003 – 28.12.2004
• Evan. R. Lalthlamuana : 29.12.2004 – 17.12.2006
• Evan. H. Hmuakliana : 18.12.2006 – 07.01.2011
• Evan. R. Lalhmingthanga : 08.01.2011 – 14.01.2013
• Evan. H. Hmuakliana : 14.01.2013 – 06.01.2017
• Evan. R. Lalhmingthanga : 06.01.2017 – till date

Bial Treasurer :

• Evan. R. Lalthlamuana : 14.01.2013 – 06.01.2017
• Evan. H. Hmuakliana : 06.01.2017 – till date

BIAL HUAM CHIN LEH PASTOR QUARTERS

Bial huam chin hmasa :
Hetiang hun lai hian Haulawng bial (Hrangtlinga bial an ti) in a bial huam dan tur, General District Board, Ni 25 September, 1962, rorel No. 9-nain a rel dan chu : “A lai dan leh Dak in awmna en a ni. Hetiangin : Pukpui, Ralvawng, Chengpui, Valcheng, Hnahchang, Hruipui, Hmuntlang. Haulawng atanga Hmar bial ramri thleng. Chhak lam chu Pastor Lalthima nen an inbiak rem dan ang a ni bawk ang” tiin.

Pastor Quarters Thu :
Bial a upat ngaihtuahin Pastor Quarters erawh an nei lawk lo. A chhan chu, Bialtu Pastor hmasa, Pastor Hrangchhina khan a ma in sain, chuta khawsa chung chuan Pastor hna a thawh mai thin vang niin a lang.

• Quarters 1-na : Rev. Hrangchhina, hmun danga a awm dawn takah chuan Pastor Quarters sak a ngaihzia hriain, Pastor Quarters sa turin bial a inbuatsaih ta mup mup mai a. A hmasa berin Hmuntlang veng, Pu Liankhuma hmun chu lei a ni a. Quarters hmun neih takah chuan, Bialtu Pastor PR. Dawla kaihhruaiin, Quarters sain hma an la a, Assam type-in sak zawh a ni a. Rev. Rodawla te chhungkuain an luah a ni.
• Quarters 2-na : Bialin Pastor Quarters awmna tur hmun laili lai tur, bialin a ngaihtuah tha leh a, tlema member tamna lam deuh zawka Pastor a lawi thain an hre bawk a, hmun thar an zawng ta a, tuna a awmna (Hmanah chuan Pi Chhuahi buhfai semna an ti) hmunah hian sawn a ni leh ta a ni. Quarters hi vawi-4 sak a ni tawh a ni.

Haulawng bial atanga bial dang piang tawhte : Haulawng bial atang hian Chhipphir bial te, Sertlangpui bial te, Thenhlum bial te a piang tawh a ni.

TUN HUN A BIAL DINHMUN

Tunah (2025) hian Haulawng bial huam chhungah hian Kohhran member 1122 vel an awm mek a. Tin, tuna Haulawng bialin a huam khua (Local) te chu hengte hi a ni :

1. Haulawng Lamthuamthum
2. Haulawng Lalveng
3. New Haulawng
4. Zotuitlang
5. Mualthuam Venglai
6. S. Phaileng
7. Hmuntlang
8. Mausen
9. Chengpui