BUNGHMUN BIAL A LO PIAN DAN LEH A HUN HMASA LAM

He bial hi Lunglei hmar khaw thlang lama awm a ni. Lunglei District Conference hmasa ber, 1966 May thlaah ‘Thenhlum Bial’ tiin hawn tan a ni a, Pastor atan Zabuaia ruat a ni. 1967 December thlaah District Board-in, Pastor bial zau deuh tanpui turin Tirhkoh thla khata Rs. 30 hlawhin a la a. Tuna Bunghmun bial leh Sertlangpui bial then ang hian thenin Bunghmun lam chan chu Evan. Lalhranga’n a bial a.

1968 April-ah Evan. Lalhranga chu bialtu Pastor-ah lak a ni a, Zoram buai avangin 1969-ah Thenhlum chu Kawnpuiah sawi khâwm a ni a, Pastor Lalhranga chu Buarpui lamah a pem ta bawk a. Chutih lai chuan ‘Buarpui Bial’ tih a ni a. 1971 March-ah tam harsatna avangin he bial hi tih tawp a ni.

Haulawng Bialah a bet ta rih a. 1973 February-ah ‘Thenhlum bial’ hming pu-a hawn a ni leh a, (Kum 1979-ah ‘Thorang bial’ tia vuah a ni). Hun lo kal zelah Pastor chu Sawrkar hmunpui deuh leh khaw lian deuhah awm thei se thaa hriat a nih avangin 1981-ah Bunghmunah Centre chu sawn a ni a, ‘Bunghmun bial’ tih a ni ta a ni.

BIAL HRUAITU NI TAWHTE

PASTOR

SECRETARY

TREASURER

BIAL DEPARTMENT HRUAITU HMASATE

PENTECOSTAL YOUTH DEPARTMENT
President: Evan. Zomawia, Laisawral
Secretary: Bro. Lalhluama, Sesawm
Treasurer: Bro. Lalhluama, Sesawm

LADIES AUXILIARY DEPARTMENT
President: Sis Nuzawni, Laisawral
Secretary & Treasurer: Sis Kapdaii, Laisawral

MISSION DEPARTMENT
Director: Upa Valliana, Tleu
Secretary & Treasurer: Upa Lalkhawnghinga, Tleu

SUNDAY SIKUL DEPARTMENT
Director: Pastor PC Rosanga
Secretary & Treasurer: Evan. Vanlalthanga, Thenhlum

PENTECOSTAL CHILDREN DEPARTMENT (Kum 2007 ah din a ni)
President: Bro Lalhmunnuama, Sesawm Vengthlang
Secretary & Treasurer: Sis Lalsarmawii, Sesawm Vengthlang

PASTOR QUARTERS

1. PASTOR QUARTER HMASA BER:
Thenhlum atanga Bunghmun lamah Pastor Quarter sawn a nih khan, hma lakna hrang hrang neih a ni. Pastor Quarter hi Thenhlum Headquarter atanga Bunghmuna sawn tum hmain, sak that tura rel fel sa a ni a. Kum 1981 Febuary atanga Pastor PC. Rosanga’n Bunghmun Headquarter-a hmangin bial a awp tan khan Pastor, Quarter sak tan chhoh nghal a ni a. November ni 21, 1981 ni hian Pastor Quarter building luah tan a ni.

2. PASTOR QUARTER 2 NA:
Kum 1987-ah Pastor Quarter turin mimal in chu Rs 15,000.00 lei a ni a, kum 1995-ah Pastor Quarter repair tura rel a niin Kum 1997-ah hma lak a ni.

3. PASTOR QUARTER 3-NA:
Ni 15.3.1997 Conference vawi 24 na, rorel 2-na chuan Pastor Quarter thar sak ni se tiin a rel a. 1997 Budget atan Rs 2000.00 ruahman a ni. Pastor Quarter Building Board din a ni a. An kutah Quarter chungchang chu dah a ni. Conference vawi 29-na rorel No. 1 chuan Pastor Quarter sak zawh mai theih inbeiseiin, kum 2002 chhung atan Rs 16000.00 Budget a siam leh a, Bialtu Pastor kaihhruaina hnuaiah Quarter tha tak, a ban leh a ruhrel pawimawh thenkhat, Cement Concrete-a sak a ni.

4. PASTOR QUARTERS 4-NA:
District Board-in a rel angin ‘kum 2021 chhungin Pastor Quarters sak that ni se’ tiin a rel a, April ni 26, 2021-ah District Superintendent Rev. C. Vanlalena chuan lungphum a phum a, bialtu Pastor Lalengzauva leh Bial mipuite thawh hona hnuaiah Pastor Quarters tha tak sak a ni a, Ni 16 May 2022 khan District Superintendent Rev. C. Vanlalena chuan a hawng a ni.

TUN DINHMUN

Pathian hruaina hnuaiah Bunghmun bial pawh la kal ve zelin, tunah hian Local 4 (Bunghmun, Tleu, Sesawm vengchhak, Sesawm Vengthlang) leh Preaching Point pakhat (Laisawral)-ah a awm mek a ni. Kum 2025 chhunga member awm zawng zawng 554 an ni.