BUNGHMUN KHUA

Bunghmun khua hi Lunglei hmar khaw thlanga a awn a ni a, khaw lian pangngai tak a ni.

UPC LO PIAN DAN

Evan. CS. Pachhunga chu kum 1975-ah Bunghmun High School-ah Teacher hna thawkin a awm a, Sorkar hnathawk lo awm vete hui khawmin UPC Bunghmun Local hi Date. 29.9.1975-a din a ni a. Chung a dintute chu Rev. CS. Pachhunga, Former District Superintendent, Lunglei District leh a chhungte an ni. Chung laia members hmasa te chu:

1. 1. CS. Pachhunga
2. 2. Lalbiaknungi
3. 3. Lalbiakthuama
4. 4. Lalbiakdika
5. 5. Lalbiakenga
6. 6. Lalbiakzuali
7. 7. Lalsahuama
8. 8. Zabuangi
9. 9. Lalengmawii
10. 10. Laltharzuala
11. 11. Lalmawia (MRP)
12. 12. Parima (MRP)
13. 13. Chawngzami (MRP)
14. 14. Rozika (MRP)
15. 15. Zatawna (MRP)

Biak In an neih loh avangin Evan. CS. Pachhunga te inah an inkhawm thin. Kum 1977 kum bul lamah khan Tleu khua atangin UPC ni sa eng emaw zat an pem lut leh a, Kohhran member pawhin pun lam panin Bunghmun Local hi a kal chho ve zel a ni.

Bunghmun Local din a nih tirh hian Thenhlum atangin Rev. Lalhranga’n a bial a, pu CS. Pachhunga hi Kohhran Chairman/Secretary, upa atana ruat a ni.

BIAK IN NEIH CHHOH DAN

Kohhran a din tirh khan Biak In neih loh avangin Evan. CS. Pachhunga te inah hun rei tak inkhawm a ni a, Kum 1976-ah Bro. Paruna te chhungkua chu an hna lamah Transfer an ni a, an awm dawn tak si loh avangin an in chu Biak In atan an pe a, hetah hian hun eng emaw chen chu inkhawm thin a ni. Kum 1977 khan Biak in thliin a tihchhiat avangin R. Vanchhunga In-ah inkhawmna neih thin a ni. Hun a kal deuh a, VCP Pu Thangchia a lo ni a, Police O.C Pu Saikunga hoin Biak In hmun atan chuan VC-in an chhuh tak, hmar lam hret Pu Thangvela kawm thlang an dil a, an phalsak leh ta a. A hmun turte Pastor Rosanga hoin an lai a, thingzai ren vek, a chung rangvain feet 15x24-in an sa leh ta a ni. Evan. CS. Pachhunga, Pastor atana lak a nih hmain, ani ho hian Biak In lian zawk sa turin bul tan leh a ni a, Pastor Darkhuma, Pastor F. Aihrima leh Pastor Lalhmahruaia hovin theih tawp chhuahin an bei a, District lamin Rs. 3000 leh Sawrkar atangin Rs. 4000 leh mi tha hnemngai tak takte thawh khawmin 21x36 ft.-a lian, a chung rangva, a bang tile-in an lo sa leh ta a ni.

TUN DINHMUN

Tun dinhmun (2025 Half yearly Statistic Report) ah Bunghmun Local-ah hian Kohhran member 85 (Mipa 42, Hmeichhia 43) an awm mek a ni.

2025-2026 KOHHRAN HRUAITUTE