THANGTE LOCAL CHANCHIN

1. KOHHRAN DIN TURA HMALAK A NIH DAN :

Thangte khua, in 40 a nih laiin, kum 1956 April thla a lo inher chhuak a, Theiriat atangin hlim sang pakhat lo kalin, chu chuan hlim sanna chi a rawn tuh a, Good Friday kan han hmang a, kan hlim hle. Chutah mual inkhawm buatsaih niin, chutah chuan chutih laia Local Chairman Pu Rawmala (Baptist Church) chuan kaihruaiin, thlarau hlimna avanga Lalhmingliana (Hming buara-a) rawn lam chhuak chuan, ‘HALLELUIAH AMEN’ a rawn ti chhuak a, chu chu ngai thei lovin, Chairman chuan a nam chhuak a, a lut leh a, a nam chhuak leh a. Chumi lungawi loh pui chuan Baptist Kohhran chu hlawm lian takin a inthen phah ta a, Thlarau duhtu lam pawl chu LAL Sanghleia Inah mi 130 lai mai chu inkhawm hrangin chuta tang chuan UPC (I) chu din a lo ni ta a ni.

2. BIAK IN NEIH DAN LEH SAK CHHOH ZEL DAN :

Chutia inkhawm hrang ve ta chu, Biak In sak dan ruahmanna siam nghal a ni a, kum 1956 May ni 6-ah chuan, Biak In Mau rapin sak phawt a ni a, a hnu rei lo te-ah thing zaiin a dung hlam 4, a vang hlam 4 bialin, a chhuat thingphelin sak chhunzawm a ni ta a ni.

Ram buaiin min nan tak avangin, sipaiin Biak In chu halin, sâwi khâwm chhuk thlak khan din a ni leh a, hetiang hi kan Biak In sak chhoh dan chu a kum nen a ni.

te niin, tunah hian RCC-a sak ve tumin hma lak chhoh mek a ni.

3. HRUAITU HMASATE :

Kum 1956-a Kohhran din a nih atanga rei lo te-ah Kohhran puipa turte inruat nghal a ni a, a hnuai a mi ang hian vawiin ni thlengin tluang takin kan la kal ve a ni. Hetiang hi Kohhran hruaitu lo ni tawhte an ni.

A bik takin Upa Lallawma, Upa A. Lalmawia, Upa Hrangdaia leh Upa F. Lalruala ten Kohhran an kaihruai rei hle a ni. Kum 1985 atang chiahin Secretary hian Treasurer nen kawp lovin, a hrangin kan nei a ni.

KOHHRANA THIL THLENG CHHINCHHIAH TLAKTE :

Kohhran a lo din tirh atanga vawiin thlenga chhinchhiah tlak thlengte chu :

1. Kum 1961 hian District Conference, Thangte hmunah nghah a ni.
2. Kum 1975 hian khaw chhuahsan tura thu pek chhuah a ni a, Deputy Commissioners order avanga Kohhranhote mangangin, Pathian hnenah khaw laiah a huhova mual inkhawm neiin TAWNGTAINA a ni a, DC Order chu sut a ni leh ta a ni.
3. Kum 1985 hian District Superintendent Rev. H. Lalruata a lo kal.
4. Kum 1997 hian District Superintendent Rev. Zalawma a lo kal.
5. Kum 1998 hian District Superintendent Rev. CS. Pachhunga a lo kal.