RAWPUI LOCAL CHANCHIN

A dintu, Bro. Tlangbawiha (L) hi Keltan khua Lunglei District, tuna S. Chawngtui khaw hnuai tlak lampangah a awm a, (Tunah chuan Keltan khua hi a awm tawh lo) chumi hnenah chuan a mang ramah, “Tho la, hmar lamah kal la, ka buh in sa rawh,” tia Pathian kohna a dawng a, chu kohna chu bawihzuiin, Kum 1954-ah Rawpui khuaah a kai phei a, chutah chuan han awm ren rawnin, Kohhran mumal zawka in-form pawh awm hran lo chuan anmahni in lamah inkhawmna te an nei thin a ni. Tichuan, Ni 15.10.1955-ah Kohhran chu Rev. Lalthima hovin form-na neiin, hemi atang hian Kohhran chu pangngai taka kalpui a ni chho ta a ni.

Hruaitu hmasa te : Chairman : Upa Tlangbawiha (L)
Secretary : Upa Kawlhnuna (L)
Treasurer : Upa K. Robova (L)
Rawngbawltute : 1. Bro LP. Liankhuma (L)
2. Bro LP. Lianzika (L)
3. Bro C. Sangzuala (L)
4. Sist Darthangvungi (L)
5. Sist Seruali (L)

Kohhran din tirh lai hian Members 23 an ni a, Kum 1955 atang hian Krismas hman tan ve nghal a ni bawk.

Biak in sak hmasa ber hi 1956-ah sak tan a ni a, hei hi kum 10 chhung luah a ni. Tuna luah mek hi Ni 16.9.2014-ah sak tan a ni a, a dung 58ft (Gallery telin), a vang 27ft-a liana sak a ni.

Ni 15.10.2025 inkhawm zanah hian Kum70-na (Platinum Jubilee) lawm Dar vuak a ni a, Ni 18.10.2025-ah Platinum Jubilee lawmna runpui neih niin Rev. R. Lalrosanga’n Jubilee lungphun a hawng. Tin, Ni 19 October 2025-ah Biak in hawn Programme hman niin Biak in hi Rev. LH. Lalchhandama’n a hawng bawk. Sunday School Hall pawh a dung 24ft leh a vang 15ft-a zau, Assam Type-in sak a ni bawk.

Rawpui Local hi Kum 1966-Rambuai avangin Bungtlang hmunah sawi khawm a ni a, Kum 1974-ah Rawpuiah let leh a ni.

Hetiang hi Department hrang hrangte din kum a ni : 1. Sunday School Department : 1956
2. Missions Department : 1993
3. Pentecostal Youth Department : Ni 21 March 1969
4. Ladies Auxiliary Department : Ni 13 September 1970
5. Pentecostal Children Department : Ni 6 March 2005
6. Pentecostal Men Department : Ni 4 January 2019

Kum 2025-2026 chhunga Upa leh Rawngbawltute: 1. Upa PC. Lalthara
2. Upa Lalrokima Chawngthu
3. Upa R. Lalchawia
4. Upa Kawlzidinga
5. Evan Tlangthangpuia
6. Rbt R. Lalchhuanawma
7. Rbt R. Lallawmkima
8. Rbt PC. VL Rinchhana
9. Rbt PC. Lalthianghlima

Local Church Board hruaitute: Chairman : Upa PC. Lalthara
Vice Chairman : Upa Lalrokima Chawngthu
Secretary : Rbt PC. Lalthianghlima
Asst Secretary : Rbt R. Lallawmkima
Treasurer : Rbt R. Lalchhuanawma
Fin Secretary : Rbt PC. VL Rinchhana
Statistician : Rbt R. Lallawmkima

Rawpui Local-ah hian, tun dinhmunah Members 169 kan lawi mek a ni.