Pangzawl Section UPC lo din dan :

South Mizoram District, District Board Vawi 5 na, Dated 18th December, 1967 Rorel No 8-na chuan Pastor Ralianga Bial chu bial -ah thenin, Pastor Ralianga’n Hnahthial PPV ( Protected Progressive Village) a change, Pastor Lalthiman Pangzawl PPV a change, Evan Rodawlan Pastor i/c, Cherhlun, Chawngtui, Ngharchhip, Bualpui, Thingsai a ankawl thung a ni. Kum 1970 District Board Vawi 1-na Hnahthial PPV hmuna neihah chuan Bial hming siam rem niin, Pastor Lalthima Bial chu Pangzawl Section/ Pangzawl Section tih a lo ni ta a ni.

Kum 1971 District Board vawi 14-na chuan, Bial siam rem a rel leh, pangzawl bial pawh chu Hnahthial Bialah bawk chuan a awm leh ta a ni.

Kum 1966 Kuma Pangzawl khuaa khaw hrang hrang Lungmawi, Hnahchang, Khawngbawk, Thiltlang keltan, Khuanghlum khua te sâwi khawm a nih khan, Thiltlang leh Keltanah te tih loh chuan UPC hi khaw tinah a ding vek a, Hetia Pangzawla sawi khawm an nih tak hnuah pawh hian, Member 200 dawn lai an lo awm ve reng a. Rambuai leh sawi khawm chhung zawng hian Bialtu pastor chu Pastor Lalthima a ni a, ani hian Bungtlang Chhimveng UPC Local te chu a bial tel nghal bawk a ni. Bial hruaitu te :

Kum 1985 District Conference chuan Bial hnih hawn thar tura a lo rel angin, District Board vawi 66-na Rorel 4-na chuan, Hahthial bial thenin Pangzawl Bial hawn ni se, Rahsiveng Bial thenin Bazar bial hawn ni se tiin a rel a ni. Dated 21st April, 1985-ah Pangzawl Bial thar chu hawn a ni a. Bialtu Pastor atan Evangelist hna thawl lai Evan R. Lalrosanga chu ruat a ni a, 16th April 1985-a hna zawm tur a tih a ni. Bial Centre atan Khawngbawk ni se, Hmar lamah Bungtlang huam se, Chhimlamah Khawngbawk , thlang lamah Lungmawi leh Phaileng, chhak lamah Khuanghlum huam se tiin a rel a ni. Phaileng Kohhran te hian Haulawng biala awm an duh zawk avangin District Board chuan an duhna chu rem tihsakin Dated 1st June, 1985 atangin haulawng bialah an awm ta zawk a ni.

Bial Chairman chu Bialtu Pastor – Pastor R. Lalrosanga niin, Bial Secretary atan District Board chuan Bro. Thasiama Sailo a ruat nghal a ni. Pangzawl Bial Centre chu Khawngbawkah awm se, Quarters hmun atan Pu Kapkunga ram chu Rs. 10,000-a lei ni se a ti a. District Board vawi 67-nain a lo pass chu, lei a lo remchan leh tak si loh avangin, ngaihtuah that leh a ni a, Bial centre atan pawh hian Khuanghlum Local ni zawk se tih a ni ta a ni.

Khuanghlum Local-a Bial Centre nghah a lo nih takah chuan, Bialtu Pastor Quarters atan Pu Pc. Lalsiama in hmun chu lei a ni ta a, tun thleng hian luah chhunzawm a ni ta a ni.

Pangzawl bial hawn thar a nih leh hnu hian Bial hruaitu te chu :

Pastor awm tawhte :

Bial Secretaries :

Bial Trasurers :