Khawngbawk Local Church hi, Dt 1 October 1961 kumah, Pu Lawngkuanga, Pu Thansanga, Pu Lalauva te ho bultumin Member 20 velin bultanin Kohhran hi din a ni a, anni pathumte hi Baptisma chang hmasa te an ni. Pu Thansanga hi Kohhran dang rawngbawltu atanga lo lut a ni a, Upa hmasa ber te zingah telh nghal a ni.

Khawngbawk Local UPC din a lo nih dan chu, Pu Zabuaia chu khawchak lamah rawngbawla a awm laiin Pathianin a hriat tir na angin Khawngbawk tlang ah kohhran din a nih tur leh kohhran din anih a malsawmna nasa tak andawn tur te thleng in hriattir in a awm a ti chuan Lungchhuan khaw lam a arawngbawl na hmun atang chuan Kawngbawk khuah ah hian rawng bawl turin alo kal ta a ni.

Hetia Evan. Zabuaia thuhrila Khawngbawk tlang a lo thlen hian, Baptist Kohhran chuan an ruai duh lo va, chutih lai chuan a rawngbawlna ngaihthlak chak tak tak an awm nual bawk si avangin, mual inkhawmna neihpui a ni ta a, a thusawi a nung hle mai a, biak inah rawih mai duh pawl te pawh awm mahse; Kohhran hruaitute zingah duh lo an tam zawk avangin, an ruai thei ta lo reng reng a, thla khat vel lai mai rawngbawla hun a hman hnu chuan, ama zirtirna ang chu pawmtu an lo awm ta nual mai a. Pu Zabuaia hian a rawngbawlnaah hian, Pathian Pakhat a nih thu leh Lal Isua lo kal hnaih tawh thu, a lo kal lehna lam hi a thupui ber a ni nghe nghe. Hetih hun lai hian UPC rawngbawltu pawh a la ni chiah lo nghe nghe a ni.

Hetia Kohhran din a nih hian, member eng emaw zatin an zawm ve nghal a, chung te chu :

Hetianga Kohhran a han din hian, Biak in te pawh an theih ang ang chuan an han din ve nghal a, hetia Kohhran din a nihna hmun hi tuna Khawngbawk khua awmna hi ni lovin, khaw hlui lam zawk kha a ni nghe nghe. Kohhran din tirh hian mite hmuhsit an tuar nasa em em mai a, tlangval te hnenah phei chuan, nupui pawh i hmu zo lo ang te an tihel khum thin a ni. Rambuai 1966 hma hian Biak in pakhat chu an lo sa hman tawh a, sipaiin an halsak vek a, he mi hnu hian Biak in an sa ve leh nual tawh a, tuna an lawina hi 2012 kuma sak niin he mi nen hian Biak in tum 5 an dinna a lo ni ve tawh bawk.

Kohhran te hian an din tirh hian Pathian malsawmna an dawng na sa hle mai a, Kohhran an hlimin an han zai tak tak chu, hla te hi an nawn zing hle mai thin a, vawi 40 chuang han nawn te pawh hi an nei thin a ni awm e. Pathian thlarau puihna lo zawngin pawn lam atanga thlirtute tan chuan, thil ninawm tak leh khamawm tak te pawh a ni te hial ve ta awm e. Tunah erawh chuan Kohhan member eng emaw zatin an pem chhuah san a, thenkhatin mual an liamsan a, tuna an Kohhran senior te pawh kum upa leh chak lo tak tak an ni tawh hlawm a, member pawh pun lam pan thei lovin kiam lam an pan ta zel zawk a ni. Kohhran tana mi tangkai leh sulsutu, Upa Liankhama te nupa pawhin mual an lo liamsan ve ta bawk nen, Kohhran hi an fahrah ve ta viau mai a ni. Tun dinhmunah hian Kohhran member 30 vel an awm mek a ni. Tun dinhmuna Kohhran hruaitute :

Kum 2025-2026 hruaitute :