PUKPUI BIAL PCD RALLY 2026

Dt 30. August Pathianni hmangin Pukpui Bial PCD Rally neih chhunzawm a ni a. Chawhma, chawhnu leh zanah te inkhawm a ni.

Chawhma inkhawmah bialtu Pastor, Rev H. Roṭhuama'n inkhawm a kaihruai a. Sis. Lalchhanhimi, Bazar Local President in hun ṭanna a hmang. Malzai, Sis. Saidingpuii Sailo, Venglai local, Bro H. Vanlalremruata, Bazar leh Bro Kevin Lalpekhlua, Pukpui local atangin ngaihthlak a ni. Venglai PCD zaipawl te mawi taka zaiin, Worship Dance Bazar Local atangin an nei bawk. Speaker Evan R. Lalthlamuana hnen atangin "Isua kut" tih thupui hmanga a sawi, thu ngaihthlak a ni.

Chawhnu inkhawm hi Bro T. Lalṭanpuia, Bial PCD Secretary in a kaihruai a. Sis. Lalremsangi, Zohnuai local in hun a ṭan thung. Malzai, Sis Doreen Lalnunpuii, Kikawn Local hnen aṭangin ngaihthlak a ni a. Sharing, Sis. VL Muanpuii, Kikawn leh Sis. H. Zothanṭhuami, Pukpui local aṭangin ngaihthlak a ni bawk. Kikawn local PCD Zaipawl leh Bazar local PCD Zaipawl te an zai bawk. Speakerin thu a sawi zawh hnuah Thlarau Thianghlim dil ṭawngṭaina hun a hmang nghal a, naupang 13 in thlarau thianghlim baptisma an chang thar a ni.

Zan lam hun Bro Pc Vanlaltluanga, Bial PCD President in a kaihruai a. Sis. Hmangaihzuali, Kikawn local PCD Vice President in ṭanna hun a hmang a. Pukpui local PCD zaipawl ten fakhla mawi takin an sa bawk. Sis. CV Lalhruaizeli, Kikawn Local leh Sis. Baby Rinsangpuii, Pukpui local ten fak hla an sa bawk. Speaker, Evan R. Lalthlamuana hnen aṭangin Pathian thu, "a lan angin ngaihtuah suh" tih chu ngaihthlak a ni a. Lawmthusawina, Sis C. Lalrinpuii, Bial PCD Finance Secretary hnen aṭangin ngaihthlak a ni bawk.

Pukpui bialah hian local 7 awmin, PCD a ding vek a. PCD member 464 an awm. Mipa 222 leh Hmeichhia 242 niin, A lian zirlai zir 221 leh a te zirlai zir 243 an awm