Kohhran din tur hmalak dan :

Tupui ‘D’ khua hi kum 1988 hma lam khan Kohhran din a la ni lo a, Muallianpui leh S. Vanlaiphai khuaah te chuan UPC Kohhran hi a ding tawh. Pastor bial fang pahin thingpui in chawlh nan leh chawfak nan a hmang thin. Rev. Lalchhara Hnahthial bialtu pastor a nih thin laiin, Tuipui D-ah UPC member pem lut an awm a ni tih hriaiin, a lengin a ti tipui thin a. Upa R. Biakmawia (L) Hnahthial Tarpho Local pawhin thahnemngai takin a lo fuih bawk thin.

Chhungkaw 4/5 an lo tlin takah chuan, Ni 28.2.1988-ah Kohhran din an duhna te chu, Pastor hnenah thlen a ni a. Hnahthial Bial Board chuan rang taka ngaihtuah zuiin, Ni 6.3.1988 zing Dar 7:00 Am-ah Bro. Savunga te inah Bialtu Pastor Rev. Lalchhara (L) kaihhruaina hnuaiah, ‘UPC Tuipui ‘D’ Local chu din a lo ni ta a ni.

Kohhran hruaitu hmasate :

Kohhran din a lo nih hian bial chhung atangin thilpek hlu tak tak te an dawng a. Bialtu Pastor pawhin Kohhran form nghalin heng mite hi hruaitu hmasate an ni.

Kohhran din a nih hian member 17 an ni.

Biak in neih/sak dan:

Biak in hmun tur VC-ah te dil hmuh a ni a. Kum 1989-ah Biak in hmun laih hnatlang neih a ni. Biak in hmasa ber sak a nih hian Hnahthial bial chhung atangin, sum leh pai bakah, thil pek kan dawng nasa hle. District atangin a chung tur Rangva dawn a ni. Kum 1990 June thla atangin sak tan a ni. Ni 5 June 1992-ah Biak in tharah inkhawmin, Upa. Savunga’n kaihhruaiin, Upa C. Aihranga chuan thu chah a sawi.

Ni 14.2.1996 Church Board Meeting chuan Biak in hmun dang zawng lehin, Kohhran member C. Nghakzuala’n Bangalow venga a in hmun chu Biakin hmun atan a pe a, Kohhran te an lawm hle. Lawmthu sawi nan Rs. 1000 pek a ni. Biak in hmun lai hian vawi tam tak hnatlan a ni. Buldozer te ruaiin Rs. 1,050 hman ral a ni bawk. Biak in chu a dung 36 ft, a vang 21 ft-in sak a ni. A ban leh a beam bakah skirting thlengin concrete a ni.

Ni 10.10.2002 Church Board Committee chuan, “RCC hmanga Biak in sak a harsa si a, kan sak lai mek hi Assam type-a sak rih mai ni se” tiin a rel a. A sak nan hian Kohhran member-te sum leh pai bakah tha an thawh nasa hle. Bro V. Vanlalsanga chuan Church Board-ah dilna siamin, “ Biak in sak hi Pathianin ka hna tura min pekah ka ngai a, a thlawnin min saktir rawh u,” tiin. Church Board Committee chuan lawm takin a pawm a. Biak in chu sak puitlin a lo ni ta.

Ni 5 June 2015 Zirtawpni zana Building Committee chuan, Biak in sak a rel ta a. Hmanrua pawh lei khawm nghal a ni. Biak in hi a dung 45ft, a avang 24 ft-a rel a ni ta a. Group-ah te inthenin tunah chuan sak peih a lo ni ta. July 2015-ah Loan Rs. 1,00,000 Bank-ah puk a ni a, Hnatlangin Biak in hi rim taka sak thin a ni. Ni 11 June 2018ah Rs. 1,50,000 loan lak leh a ni.

Thil chhinchhiah tlak :