HAULAWNG LAMTHUAMTHUM LOCAL KOHHRAN CHANCHIN

Haulawng khua hi Lunglei Hmar lam KM 38-a hlaa awm a ni. Khaw hlun tak a ni a, an khaw Centenary pawh an lo hmang daih tawh a ni. Rambuai avanga khaw sâwi khâwmna hmun, Grouping Centre a ni. Hun hmasa lamah Haulawng khuaah hian UPC Biak in pathum—Lalveng, Haulawng vengthlang Local (Hmuntlang veng), leh Melveng Local te a awm a, kohhran member tlem te te-a awm an ni hlawm.

Ni 18.5.1986 khan Kohhran te an lo chak zawk theih nan, Hmuntlang ‘H’ Local (Hmuntlang veng) leh Melveng Kohhrante chu hmun khatah insuih finin, member 250 lai an lo ni ta a ni. Hetia hlawm lian zawka an infin takah chuan, Melveng Biak in ding saah an inkhawm ta thin a. Kohhran hming atan chuan ‘Haulawng UPC’ tih vuah phawt a ni a, a hnu lawkah ‘Lamthuamthum UPC’ tih a lo ni ta a ni.

KOHHRAN HRUAITU HMASATE

Hruaitu hmasate :

• Chairman : Rev. Zalawma (Bialtu Pastor)
• Vice Chairman : Upa Lalthuama
• Secretary : R. Chhawnkima
• Treasurer : Evan. B. Hrangkhuma

Upa atana thlan te :

• Upa Lalawia
• Upa Lalthuama
• Upa Vankhama
• Upa Tawnluaia
• Upa Kawlkhuma

Rawngbawltu atana thlan te :

• Laldika
• Rualchhina
• Dengkunga
• Lalthlamuana

BIAK IN DIN CHHOH DAN

Lamthuamthum Kohhran tia an din tirh hian Biak in awm sa, lian lo takah inkhawmna an hmang chho a. Member an lo tam tak avang leh Biak in a lo hlui tak avangin sa thar tura hmalak nghal a ni.

• Biak in 1-na (1989) : 1986 kum khan RCC-a sak tura relin hma an la tan a. District Pastor Rev. HL. Ruata'n ban khur chungah tawngtaiin bul a tansak. Sak chhung hian Hmuntlang 'H' Local Biak inah inkhawmin, he hun lai hian General Superintendent Rev. P. Chunga Singson pawhin a tlawh. 1989-ah sak zawh niin luah tan a ni. 1990 tirah Salvation Camping Follow-up hlawhtling tak hmangin 1991-ah District PYD Conference an dawl bawk.
• Biak in 2-na (2000) : 1991 PYD Conference hnu lawkah Cyclone thlipuiin Biak in hmasa a tih chhiat rup avangin Rs. 2000/- District atangin tawrhpuina an dawng. Kum 1 kum tuak hnuah 11 May 1992-ah RCC-in sak tan a ni leh a. Sak chhung hian Pu Rongheta te chhungkuain kum 2 dawn an in phal takin an pe. Ni 20 May 2000-ah Bialtu Pastor Rev. R. Lalrosanga'n hawngin Pathian hnena hlanna a nei a ni.
• Biak in 3-na (Tuna mi) : Biak in hlui a lo hmaih tak avangin Biak in lian leh mawi zawka sak tum in 2018-ah hlui chu an thiat a. Bang an rem mek laiin Covid-19 hripui vangin an chawlhsan rih a, tun din ngei tuma hmalak mek a ni.

THIL CHHINCHHIAH TLAK LEH TUN DINHMUN (2025)

District Conference Dawl Tawh Te :

• 1991 - District PYD Conference
• 2001 - District LAD Conference
• 2008 - District LAD Conference
• 2015 - District PYD Conference

Pastor ni tawh te : Rev. C. Vanlalena, Pastor Muanpuia Colney

Member dinhmun : A din tirhah member 250 vel an ni a, nupui/pasal neih, thihna leh pem chhuah avangin mawh chho hle mah se, tun (2025)-ah hian member 278 awmin, chhungkua 66 leh kar chhuak chhungkua 1 an awm mek a ni.

2025-2026 Kohhran hruaitute :

• Chairman : Upa R. Chhawnkima
• Vice Chairman : Upa RL Hmingchungnunga
• Secretary : Rbt. H. Lalhmangaihzuala
• Assistant Secretary : Rbt. P. Lalthansanga
• Treasurer : Rbt. C. Lalngaizuala
• Statistician : Rbt. Lalhnehpuia Ralte

Note : Kohhran Chanchin hi, Haulawng vengthlang leh Melveng infin atang chiah a chhui a ni.