Kohhran din chhoh dan :

Kum 1962 khan Pastor J. Laltluanga ten rawngbawlna an nei. Date 14.10.1962-ah rawngbawltu Hrangliana te Inah inkhawm hranna an nei. Kohhran member pawh 120 chuang an ni. Chung hun laia Kohhran hruaitute :

Biak in pawh a dung 36 feet, avang 24 feet-in Maurapin an sa a, Ni 1.3.1966 Mizoram buaiah Zobawk-ah sawi khawm an ni a, Kohhran chu Ralvawngah a ding zui ta rih lo a ni.

Kohhran din thar lehna :

Old Ralvawnga awm lai khan Theiriat atangin zirtirtuin Upa Pc. Lalthanliana chu a han awm chho a. District PYD din tirhin 1989 buh seng lai (November thla vel) khan, Tirhkoh Lallianzuala (Pastor Rochungnunga pa) a kal a. A han thlen chhoh lai hian Upa Pc. Lalthanliana te chhungkua buh senga an lo ram riah vek si avangin, Pu Zualbawnga inah a innghat lailawk a. Hemi tum hian Bro. Varparha nen an kal a ni. A kum leh 1990 kumah chuan an chhungkuain an pem chho ta a; a kum tluanin an awm a. Kum 1991 chuan District Missions Board rorelnain Lungchem hmuna rawng bawl tura a lak tak avangin Ralvawngah hian a awm chhunzawm ta lo. Anni awm lai hian Local hrang hrangin intlawh chhawk a ni a: Chanmari, Pukpui, Theiriat, College veng leh Zotlang atangin mi hrang hrangin an tlawh a. Tirhkoh Lallianzuala hi kum khat vel zet a awm.

Kum 1991 khan Ralvawng khuaa mite chu Mauhlam (New Ralvawng-ah a tam zawk) chu an insuan thla ta a. Hemi hnu hian mi hrang hrang ruaiin Rbt. Pc. Zion Rammawia chu Theiriat Bial ten an ruai a, ani hian kum 2010-ah thawkin, General Missions Deartment rawiha Missionary-a a luh tak avangin a tluan ta lo va (Tunah chuan Pastor a ni ta), Bro. Pc. Lalhmunsiama (2010-2011) a thawk leh a (General Missions lamah a lut zui ta), Bro. Saizamliana Sailo, Lungdai S, (2012-2013) te, Bro. Laldawngliana, Sekhum (2014) te, Bro. Biaklala (2015) te, Bro. Hmingthansanga (2016) te, leh Bro. Lalhnema (2017) te awm chilh turin an lut tawh a. Rbt. PC. Laldingliana chu kum 2024 chhungin a thawk bawk a ni. Heng mite hi bial chhawr vek an ni a. Tun 2025 atangin Evan T. Laltlawmlova, District Missions Department chhawrin a vawi 1 (Dist Missions chhawr) nan a thawk mek a ni.

Kohhran in-formna hmasa ber :

Kum 2011 khan Local form niin Chairman atan Upa Pc. Lalthanliana niin, Secretary-ah Bro. Pc. Lalhmunsiama (Evangelist) ruat a ni a, Treasurer atan Sist. Maria Lalzirtluangi; PRZ Treasurer atan Upa Pc. Lalthanliana ruat a ni. Rawng bawltu atan Unaupa Rengsawma te an ni. Bro. Pc. Lalhmunsiama awm lai 2010 kum hian biak in sak a ni.

Awm chilh lova rawngbawla ram beia lut langsar zualte : Vanlalrawni B/W, Rev. R. Lalrosanga, Rev. RK. Khiangte, Rbt. S. Lalhmangaiha, Zamveli B/W

Tun dinhmun :

Report siam lai kum 2025 hian Kohhran member 22 vel niin, Kum 2024 khan Sawmapakhat Rs. 1,01,040 District-ah an pe. Local PYD pawh mumal takin din a ni.

2025-2026 Local hruaitute :