Kohhran Din Tan Dan

Thingfal khua hi Lunglei District chhung, chhim lam Lawngtlai kawng dunga awm a ni a. Khaw lian ve tawk tak a ni. Kum 1964 bawr velah khan BCM Kohhran chauh awmin, hemi kum hian BCM leh UPC (Pa Pawl)-te chuan Mualcheng South-ah inkhawmpui an nei ve ve a. BCM Zaipawl Thingfal te pawh kal vein, an zaipawl hruaitu Pu PC. Lalbana (Thimbura) chuan UPC khawmpuinaah chuan Thlarau hriattirnain Baptisma chan a ngai a ti a, Rev. Ralianga’n Isua hmingin Baptisma a chantir ta a ni.

Tichuan kum 1965, April 25-ah Thingfal khuaah UPC din a lo ni ta a ni. Hmun dang ang bawkin hmuhsitna leh nekchepna a dawng nasa a. Biak In hmun leh Biak In pawh nei lawk lovin, Pu Lalbana inah inkhawmna hunte hman thin a ni. Tichuan tuna kan Biak In hmun pawh hi Pu PC. Lalbana’n Tlarau lam atangin Lalpa min pek tiin a lo hum tlat a. Hun a lo kal hlek a, Rev T. Tumsanga hmalaknain Pu Manthanga, PWD Thingfal Bial a chan laiin kan lo nei thei ta a ni.

Department Hruaitu Hmasate

MISSIONS DEPARTMENT : (1979 – 1980)

• Director : Upa NC. Vanhmunga
• Secretary : Bro. C. Biakmawia
• Treasurer : Bro. C. Biakmawia

SUNDAY SCHOOL DEPARTMENT : (1979 – 1980)

• Superintendent : Upa NC. Vanhmunga
• Secretary : Bro. C. Biakmawia
• Treasurer : Bro. C. Biakmawia

LAD (1965)

• President : C. Lalchuaii (L)
• Secretary : Sainghingi
• Treasurer : Parnghaki

PYD (1981 – 1982)

• President : F. Vanlalmalsawmnghaka
• Secretary : T. Lalmuankima
• Treasurer : Zoramthangi

PCD (1999–2000)

• Convener : Hallelui C. Lalrambuatsaiha
• Asst. Convener : Bro. Kalvarifamkima
• Secretary : Lalhmunmawii
• Treasurer : Sist. Lalruatsangi

PMD (2009 – 2010)

• President : Bawihkhuma
• Vice President : T. Lalthlamuana
• Secretary : Zothanmawia
• Treasurer : Chanchinmawia

Biak In Neih Chhoh Dan

Biak In neih theih lawk a ni lo va. Pu Pc. Lalbana’n Thlarau atanga a lo hual lawk, tuna kan Biak In compound hi mi thahnemngai tak takte zarah, Rev. T. Tumsanga’n a thian tha Department lamte lo dawrin kan lo nei theoretical ta a ni. Tichuan, din atanga kum khat velah chuan maurapin, thing tuaite chhuahin, a chung diin, kum 1966 kumah Biak In hmasa ber chu neih a ni ta a ni.

Tichuan tun thlengin tuna kan sak lai nen hian Biak In vawi 6 sak thatna a lo ni ta a ni.

Kum 1993-ah khan Thingfal Local hi inthenin Dinthar UPC a lo piang a. UPC (NEI) Thingfal Local chu then a ni. Hun a lo kal zel a, Dinthar Local member eng emaw zat chuan 2001 khan Zoram lamah min pemsan a. Eng emaw zat erawh chu lo let lehin, tiang ang hian harsatna nasa tak an lo tawk a ni.

Tichuan, hruaitu hmasate thawhrimna leh inpekna, Thlarau thianghlim an hmachhuan tlatna rah chu, vawiin a mite hian kan lo tel ta a, vawiin, tun hun hi kan lo thleng ta a ni.

Tun Dinhmun

Thingfal Local-ah hian member 235 (kum 2025 report) an awm mek. Biak in luah lai hi Date 29 June 2024 khan Rev. R. Vanlalenga, Bialtu Pastor-in a lung a phum a, sak tan nghal niin tunah hian Biak in hnuai (Sunday School Hall tur) ah inkhawmna an nei. Biak in hi sak kal mek niin, Nuai 50 chuang inseng tura ngaih a ni. Biak in len zawng hi 70/32 Feet-a lian niin, a chhawng tur a ni.

Kum 2025-2026 Local hruaitute chu :

• Chairman : Upa T. Laldarzova
• Vice Chairman : Upa K. Khawpuimawia
• Secretary : Upa Kalvarifamkima
• Asst Secretary : Rbt Lalramchanmawia Tlau
• Treasurer : Rbt L. Lalhmangaihzuala
• Statistician : Rbt Lalramchanmawia Tlau