Lunglei khawpui chhung zawng Local khata an lawi lai khan Rahsivengah Biak In awmin, chutah chuan inchhun khawm a ni a. Heta tang hian Ni 12.10.1969-ah Bawngveng Kohhran pawh a in dang a. Biak In hmun atan tuna Police Lane thlang zawk hi hmuh a ni zet a. Mahse harsatna hrang hrang a awm avangin, tuna Venglai Biak In hmunah hian sak a ni ta a, chung lai chuan tuna Venglai Biak in awmna hi Bawngveng VC Area vek a la ni. Sorkar lamin Veng Area a siam danglam hnuin, Biak In hmun hi Venglai Area a nih takah chuanVenglai Kohhran tih a lo pu ta a ni.

VC Area then a lo nih takah chuan, chhiatni thatniah buaithlakna tam tak a awm avangin, a hranga inrel bawl ve duhna a lo awm a, Venglai atang hian Ni 6.4.1975-ah an lo in dang ta a ni. Hetianga inrelbawl hranna a lo awm takah chuan hruaitute pawh form nghal a ni a, hetiangin :

Department lam pawh din chhoh nghal niin hengte hi in dan kuma Department ding nghal leh hruaitu hmasate an ni :

PYD :

LAD :

Sunday School :

Indan kum hnu lama Department ding leh hruaitu hmasate:

Missions (din kum 1977) :

P.C.D (din kum 1981) :

PMD (din kum 1994) :

Biak in din dan:

Hun a kal zel a, Bawngveng pawh Sorkar lam atangin veng hming an lo thlak leh ta a, Ni 10 July1987 khan Bawngveng tih chu Venghlun tiha thlak a lo nih tak avangin, Venghlun Local tih a lo ni ta a ni. Biak in hmun atan tuna Venghlun Middle school hmun hi hmuh a niin laih tan nghal a ni a. Mahse, eng emaw harsatna a awm avangin tuna Biak in hmunah hian sawn thlak a lo ni leh ta a ni. Tichuan, Biak in pawh chu tun din a ni chho tan ta a. Biak in hmasa ber hi Ni 19.12.1976 Sunday niin Rev. H. Vankunga chuan a hawng a ni. Member-te lo pung chho zelin Biak in lian zawk leh tha zawk sual chhovin, thih tha tak meuha mawng pawh hung hman lova an beih hnuin, UPC Lunglei District-a Biak in lian leh chhuanawm ber chu kum 1991 tir lamah chuan peih a ni ta a, Phur taka a hawn dan tur lama member ten tan an lak laiin Ni 29.4.1991-a Cyclone chimawm tak chuan a nam sawp ta rup mai a, an lainatawm tak meuh a ni. Nutling patling aw rawl chhuah meuha tap hawm hawm te pawh an awm nawk reng a ni. A hawnna tura sum an lo tuakte pawh chu Bawk te tun din leh nan an hmang chho leh ta a ni. Tichuan a hranpa hlauhin RCC-in rel chhoh leh a ni a, (hei hi Biak in palina a ni) kum 2000 khan Kohhran kum 25-na, Silver Jubilee lawmna hun nen Biak in palina chu an hawng a ni. Biak in sak that duhna an neih leh tak avangin, kum 2017 atang khan sa turin an in tuak tan leh a, hun lo kal zelin Ni 5.4.2021 Thawhtanniah, Bialtu Pastor, Rev. C. Lalhriatpuia chuan Biak in lungphum phumin hunserh a hmang a, hemi ni atang hian Biak in Pangana sak tan a ni leh ta a, biak in palina pawh sawi thiah niin tunah hian Biak in pangana sak lai mek hnuai, Sunday School Hall-ah inkhawmna neih a ni. Ni 6.12.2025 khan Biak in thar chu luah luh a lo ni ta a ni.

Rawngbawltu chhertu Kohhran:

He Kohhran atang hian License nei leh Pastor eng emaw zat an chhuak tawh a, chungte chu : Rev. Saithanga Sailo, Rev. Lalchhara, Rev. T. Bualzika, Rev. C. Zohmingliana, Rev. P. Lalthanga, Evan. K. Zaikhuma, Evan. TC. Lalzawna, Darsawithangi, Evan. PC. Zosangliana.

Heng Licence Holder atang hian Lunglei District chhunga Pastor rawngbawlna thawk an awm a, chungte chu : Rev. T. Bualzika, Rev. T. Lalchhara, Rev. Saithanga Sailo, Rev. C. Zohmingliana, Rev. P. Lalthanga te an ni a. Tuna Pastor tang lai zing a mi, Pastor PC. Zionrammawia pawh hi Venghlun mi leh sa a ni bawk. Kohhran thang duang tak an ni.

Tun dinhmun:

(Kum 2025-2026) Kohhranpui hruaitute chu :