ZOHNUAI LOCAL CHANCHIN

Kum 1975 khan patling pathum Pu K. Lungmuana, Pu C. Chawngzika, Pu Pc. Rohmingthanga te chuan Zohnuaiah hian UPC Kohhran a lo din ve ngei theih nan hma an la tan ve a, a hmasa berah Pu Pc. Rohmingthanga inah Ni 12.9.1975 zanah an inhmu khawm ve a, an phur tlangin nuam pawh an ti ve hle a ni. A vawi hnihna atan Ni 27.9.1975 chuan a vawi hnihna atan an inhmu khawm ve leh ta a, hem tum hian Pu C. Chawngzika inah an inhmu khawm thung a, member ni duh te zawng khawmin an hmingte lak khawm ni ve se an ti a. Pu Pc. Rohmingthanga chuan member tur hmingte a la khawm ve ta zung zung a, a vawi thumna atan Pu K. Lungmuana te inah Ni 17.10.1975 Zirtawp zanah an inhmu khawm leh a, hetih lai hian Sist. Thandawngi, Cherhlun khua mi hlim chu a lo zin lai tak a ni a, Kohhran din chu a phurpui hle a, ani chuan ka awmlai hian “I din nghal ang u” a ti a, a ngen deuh tlat vangin, hemi zan (17 October 1975) Dar 8:00 pm-ah chuan Zohnuai khuaah chuan United Pentecostal Church (U.P.C) chu a lo ding ta a ni.

Kohhran din a nih dan leh hruaitute : Kohhran din tirh hian Kohhran member 39, chhungkaw nga (5) an ni a, hetiang hian hruaitu tur an inruat fel ta a, Upa tur te an inruat nghal a, chung Upa te chu hengte hi an ni - Upa K. Lungmuana, Upa C. Chawngzika, Upa PC. Rohmingthanga. Church Board te siam fel nghal a ni a, hetiang hian ruat an ni :
1. Chairman : Upa K. Lungmuana
2. Secretary : Upa PC. Rohmingthanga
3. Treasurer : Upa C. Chawngzika

Hetia an in-form fel hian Pathian hnenah lawm thusawi tawngtai rualna neiin, hlim takin an tin ta a ni. Heng an form fel te hi District hruaitute hnenah thlen nghal a ni a, an thu thlente chu lawm takin an lo pawmpui ta a ni.

Kohhran form fel a nih chuan heng mite hi Church board member atan ruat nghal an ni - Farnu B. Hnawkchuaii leh Farnu Lalnunnemi. Hun an lo kal hret a, kum 1976 a lo her chhuah chuan Church board Committee hmasa ber chuan, Department hrang hrangte a theih ang anga indin ve ni se tha a ti a, heng department te hi din nghal an ni :

Pentecostal Youth Department :
1. President : Upa PC. Rohmingthanga
2. Vice President : Unaupa Hmingthanzauva
3. Secretary : Unaupa C. Lalrinchhana
4. Assistant Secretary : Unaupa C. Hmingchungnunga
5. Treasurer : Unaupa PC. Lalbiakrula
6. Finance Secretary : Unaupa C. Lalhmingsanga
7. Senior Advisor : Upa C. Chawngzika

Ladies Auxiliary Department :
1. President : Farnu B. Hnawkchuaii
2. Vice President : Farnu Lalnunnemi
3. Secretary : Farnu Saichhumi sailo
4. Treasurer : Farnu B. Hnawkchuaii
5. Finance Secretary : Farnu Lalhmingthangi

Kum 1976 February ni 22 Sunday ni Church Board Committee chuan Sunday School department chu Headquarters phalnain din ve nghal a ni. Hetiang hian hruaitute ruat an ni.
Superintendent : Upa K. Lungmuana
Secretary : Upa PC. Rohmingthanga
Treasurer : Upa C. Chawngzika

Kum 1994 chuan Mission Department chu din ve tha tih a ni a, hruaitute atan heng te hi ruat te an ni:
Director : Upa K. Lungmuana
Secretary/Treasurer : Bro. C. Lalrinchhana

PCD hi kum 2008 khan mimal tha hnemngaihnain kalpui hmasak phawt a ni.
Kum 2009-2010 hruaitute : (Kum 2009-ah PCD hi din a ni)
1. President : Sist. K. Lalliandingi
2. Secretary : Sist. B. Lalvulmawii
3. Assistant secretary : Sist. R. Lalremsangi
4. Treasurer : Sist. R. Lalhmingsangi
5. Adviser : Upa Sailova

Biak in din dan: Kohhran a lo din takah chuan, Biak in hmun tur pawh zawn nghal a ni a, Kohhranhote chu Upa PC. Rohmingthanga inah kum khat chung lai inkawm nan hman nghal a ni a, kum 1976 kum tawp lam chuan biak in hmun tur pawh tih fel a lo ta a, Biak in tur te chu an han puah ve ta a, hemi kum hian mau rapin chuan biak in chu kan nei ve ta a ni.

Kum 1979 kumah biak in thar sak ve leh nghal a ni a, hemi kum pawh hian mau rapin biak in chu sak a ni a, kum 1984 chuan biak in thar tur chu kan puah ve leh ta a, hemi tum hian kan biak in chung tur hi Pastor H. Lalruata chuan U.S.A atangin, Rs. 3,000 lai min lo tuaksak a, kan lawm hle a ni. Biak in chung rangva kan nei ve ta a, kan Biak in hmingah pawh Apostolic Temple tiin kan vuah ta a ni.

Biak in pawh sak that a lo hun leh ta a, Ni 9.6.2009 kum atangin Biak in thar tur ruahman leh a ni. Tin, unaupa KT.Nghawra’n Rs. 2,00,000 lai a thawh bawk a, unaupa K. Lalrinawma’n Brick 5000 lai mai, Kawmzawl a mi chu min pe bawk a, a chung tur a zat ve District atangin min tumsak a, a chung tur zat ve dang leh chu Unaupa Lalduhthlanga, Pukpui chuan min tumsak leh a ni. Tluang taka kan sak hnu-ah kum 2010 March thla chuan kan sa zo ve ta a ni.

Tuna an Biak in luah lai RCC hi 40/23 feet niin Biak in mawi leh design danglam tak a ni. Kum 2013 khan Rev. C. Vanlalena, Dist Supeintendent-in Pathian hnena hlanna leh hawnna hun a nei.

Tun dinhmun : Zohnuai Local-ah hian member 86 (kum 2025 report) an awm mek a. Ni 17 Oct 2025 khan Kum 50-na, (Golden Jubilee) an tlin lawmna neiin, ropui takin ruai nen hun hman a ni. Upa - 3 leh rawngbawltu - 3 an awm mek.

Kum 2025-2026 chhunga Kohhran hruaitute chu : Chairman : Upa Sailova
Vice Chairman : Upa Pc. Rohmingthanga
Secretary : Rbt. Abraham Chawngdingpuia
Asst. Secretary : Rbt. C. Lalduhzuala
Treasurer : Upa Pc.Rohmingthanga
Statistician : Rbt. Abraham Chawngdingpuia