Phairuangkai Local :

Phairuangkai khua hi Lunglei khawthlang lam pang, Tlabung kawng, Phairuang lui kama awm a ni. Khaw lian lem lo tak nimahse; luipui kama awm a nih avangin, thlai rah leh an hnah lamah chuan khaw intodelh tak a ni a, Kohhran bial thenah Lungsen Biala awm a ni.

Tun hmain U.P.C.Kohhran lamah chuan mimal pahnih khat emaw, hnathawhna avanga awm te pawh an awm thin a, Kohhran ang meuh erawh chuan inrelbawlna a awm lo. Kum 2000 kum tawpa Lunglei District P.Y.D ten Geneneral P.Y.D. Conference an dawl tumin, Headquarters bial P.Y.D te chu mau satin an hnatlang a, Phairuang khuaa an chawlh laiin, Headquarters Bial P.Y.D President, Upa H. Lalhmangaiha leh Bro. Malsawmtluanga te chuan in pakhat kawngka lu chunga ‘Jesus Only’ tih intar an hmu a, chu inah chuan an lut ta a. Chu mite chu U.P.C. Kohhran an lo reng tih an hriatin hmalak dan tur kawngte an sawi ho va. Tichuan kum 2001 January thlaah Headquarters bial P.Y.D member za dawn laite, chaw leh chawhmeh intumin Bus leh Motor awm ang angin Sunday hmang turin zingah an chhuk a, zan inkhawm banah an haw leh a. Hemi hnu hian Headquarters Bial P.Y.D leh Missions Department tangkawpin, Headquarters Section Pastor, Rev. P.C. Doliana, Speaker-a hmangin Crusade neih a ni leh a. Tichuan, Ni 29.4.2001-ah Rev. P.C. Doliana leh Pastor C. Lalrintluanga kaihhruainain Phairuangkai Kohhran duhawm tak chu din a lo ni ta a ni.

Kohhran din tirh a nih hian member mipa 12 leh hmeichhia 13, an vaiin 25 an ni a. Tichuan Kohhran puipate ruat nghalin heng mite hi hruaitu hmasate chu an ni.

Kum khat emaw lai Biak in nei lova, mimal ina an inkhawm hnuah tuna a dinna, Forest Department ramah hian an hotute phalnain rel chhoh a ni ta a. Lunglei lam Local hrang hrangte thahnemngaihna nen sak chhoh niin, Ni 18.2.2007 khan, a dintu Rev. P.C. Doliana’n hawngin Pathian hnenah a hlan a, he hun hi ruai nen hlim takin an hmang.

BIAK IN NEIH DAN (HLUI LEH THAR):

Biak in hlui:

Biak in hmun hi a tirin Forest Department ram hman hawh a ni a. A hnuah VC pass neih leh a ni. Biak in Building hi Lunglei District Headquarters Bial Mission Department-in, sum leh pai lam an tum a, Local Member-te nen tha tho takin hnatlangin an thawka. Kum 2002-ah UPC Phairuangkai Biak in chu tun din a lo ni ve ta a ni. Hemi kum vek hian Biak in pawh luah nghal a ni. Tunah chuan Land Lease siam fel tawh a ni.

Biak in Thar:

Biak in hmasa hi a tet deuh avang leh Kohhran member kan pun belh ve zel avangin, Bank atangin loan Rs. 20,000/- pukin leh, Kohhran member-te sum thawhkhawm bakah chengkawl chhar, chakai khawrh, huan sam, Quarry lung lak leh thingphurh te-a sum intuakin, a hlui chak thenkhatte ring nghalin, kum 2007-ah sak that leh a ni a. Hemi kum vek hian Bial Kohhranpui Conference dawl a ni a, chumi denchhen chuan Biak in hawnna programme siamin luah nghal a ni.

Tun dinhmun :

Phairuangkai Local-ah hian member 109 (kum 2025) an awm mek.

Kum 2025-2026 kohhran hruaitute chu :