Headquarters Local Local, Chandmary Lunglei hi Ni 15 January Kum 1967 atangin Rahsiveng, Lunglei Kohhran atanga in dang a ni a. An in dan hma hian Rahsiveng Kohhranah Lunglei veng hrang hranga awmte an lawi khawm thin a ni. Chandmary lam atanga lawite hian a hranga inkhawm ve hi, buatsaihna neih a hun tawhin tha an ti a. Ni 30.7.1965-ah chuan Khama ina Kohhran Committee Rorel pakhatna chuan rel thluin Rahsiveng Kohhranah dilna an thlen ta a ni.

Chutah chuan hengte hi rorel Member te chu an ni.
(1) Khama (2) Lalzaruaia (3) Rotlaia (4) Laiveta (5) Biala (6) Lalsikhupi (7) Sapbawihi.

He an Commmittee-ah hian Biak in neih hran an duh ve thu te an rel a. Chanmari lama Inkhawm hran hi duhin bei teh mahse; in dan mai hi phal lovin, Kum 1966 Krismas leh 1967 Kumthar te pawh chu Rahsivengah hlim taka la hmang hovin an la awm khawm a. Hetih lai hian Chanmari lama Pu Chrismasthanga chu Aizawlah a pem dawn tih thu leh, a in hmun Chanmari lam a mi chu Rs. 10,000/- (Singkhat) in lei a phal thu te an lo hre leh zel a. Tichuan tuna Headquarters Biak in hmun, Pu Chrismathanga in hmun chu in hlui deuh dingin lang mahse; Rs. 10,000/- chuan an lei ta a ni. Ni 11.1.1967 atangin in dang ang deuhva awmin, Upa Lalchungnunga inah chuan Chandmary Biak in hawn dan chu ngaihtuahin Biak in hmasa ber chu, Evan. Hrangmawia chu hawng turin an rel thlu ta a ni. Kohhrante pawh chu in din vein Ni 15.1.1967-ah chuan Kohhran ten Biak in atana an hman chu hawnna Inkhawm neiin hetiang hian Programme pawh duan alo ni ta a ni.

Church Board O.B leh Rawngbawltute :

Hun a lo kal zel a, Biak in te pawh chu vawi thum (3) sak that/thuam that ni tawhin, hun eng emaw chen chu Chandmary Kohhranah hian Farm Veng leh Electric Veng te hi lawi hovin, Farm Veng hi Ni 3.11.1988-ah in dangin, Electric Veng pawh Ni 4.11.1990-ah an lo in dang ve ta a ni. Tunah phei chuan Local lian tak ni tawhin, Kohhran ngial nghet tak an lo ni ta. Chanmari Local tia hming lam thin pawh Kum 1993-ah, Chandmary Local-in District Board-a an thlen angin ‘Headquarters Local’ tih chu a lo ni zui ta a ni. Kohhrante pawhin hma a sawnin a lo thang lian ve zel a, chutih lai erawh chuan (Kum 1967-1974 chhung Minute bu hmuh zawh a ni lo erawh pawi kan ti hle a ni). Hruaitu hmasate leh tun thlenga Kohhran hmangaihtute pawh heng te hi an ni.

Thil chhinchhiah tlak thenkhatte:

1. Kohhran Upa 24 awm tawhin Rawngbawltu 74 an lo awm tawh a ni. Tin, Bible Woman pahnih - B/W Lalsikhupi leh B/W Darsawithangi an lo awm tawh bawk a ni.
2. Kohhran Member tam lai berin 458 awmin, Zaipawl hi 1981-ah din tan niin, Solfa zir a ni a, Conductor hmasa te pawh - Upa Chalsela, Bro. K. Sanglawta leh Bro. PC. Rothuama te an ni.
3. Local atanga Evangelist chhuak tawh te hi Bro. Rohlira, Evan. C. Lalnunmawia, Evan. K. Lalhlupuia leh Evan. Lalringzuala Pachuau te an ni.
4. Kum 2012-ah Local LAD Zaipawl din tan a ni
5. Missionary Field- Arunachal Field leh Assam Mission field-ah te Biak in pahnih sak a ni. Tin, tun dinhmunah Missionary pali (4) Local-in rawih mek a ni.
6. Biak in chung chang : Church Board Committee vawi 3-na, Ni 4.2.1975 Rorel No. 1-na chuan, Treasurer Reprt atangin Biak in sakna atan Rs. 3,235 neih a nih thu leh thla ruk chhung atan Rs. 100, Rs. 50, Rs. 20 den denin intuk leh ni se, Biak in sak dan chu Building Committee kutah dah a ni tih a ni.
7. Church Board Committee vawi 3-na, Ni 7.2.75 Rorel No. 1 chuan, Biak in sak dan relin Press in leh Biak in tur inzawmna bang (Ko) hi Concrete ni se, Rawra a ngaih tam dawn avangin in tinin Rawra tin 1 theuh, Ni 16. 2. 1975 hmain Biak in bulah dah ni se tih a ni.
8. Church Board Committee vawi 7-na, Ni 13.5.1976 Rorel No.1-na chuan, Thawhtanni zingah Biak in tur Rawra chhut hnatlang neih ni se tih a ni a, tin, Rorel 4-na chuan Chandmary Local-in Biak in sakna tura pawisa a thawhkhawm thin chu, District Biak in sakna atan, a tul ang zela hman kal ni se tih rel a ni.
9. Church Board Committee. vawi 19-na, Ni 2.12.1976 Rorel pa 2-na chuan, Christmas thawhlawm atan kum 9 chin chung lam, puitling ten Rs. 4 thawh theuh ni se, kum 8 chin hnuai lamin Rs. 3 theuh thawh ni se tih a ni.
10. Church Board vawi 4-na, Ni 26.2.78 Rorel No 2-na chuan PCD din ve ni se, hruaitu chu an mahniin lo inruat se, Evan F. Ngunthanga’n lo kaihruai se tih rel a ni.
11. Church board Committee vawi 3-na, Ni 6.2.1979 Rorel No. 3-na chuan, Section Conference Palai Fee Rs. 10/-, Bible Class fee atana an rawn tuk chu ken ngei ni se Tin, Agenda-ah heng te hi thawh ni se :
    1. Bial hawn belh leh Press Manager lak belh ni se.
    2. Kohhran Member zat azira Upa seat ruat ni se.
    3. Church board hi Rawngbawltute atanga inthlitfim ni se tih ani.
12. Ni 13.10.2019 Sunday thla thar thawhlawm chhiarah, Sawmapakhat bikah Rs. 5,45,933/- hmuh a ni.
13. Church Board Committee Vawi 12-na, Ni 5.12.19 Rorel No. 1-na chuan, 2020 Kohhranpui Budget atan Rs. 5,17,000/- ruat a ni.
14. Pathian hnena lawmthu sawi Chawimawina nei tawhte :
    1. Sist. Dawngi - Ni 11.7.1975
    2. Sist. Hmangdawhi - Ni 16.4.1976
    3. Evan. Darhmingthanga - Ni 4.12.1976
    4. Upa Suaktluanga - Ni 18.12.1976
    5. Sist. Vanlalngaii - Ni 19.9.1981
    6. Bro. Thangliana - Ni 17.1.1983
    7. Upa Neihhnuna - Ni 28.5.1983
    8. Bro. Dr. HK. Thanglura - Ni 27.9.1986
    9. Bro. R. Kawlzika - Ni 17.10.1987
    10. Bro. Pc. Rothuama - Ni 2.1.1988
    11. Rev. PR. Dawla - Ni 28.1.1988
    12. Upa. F. Chaldaia - Ni 28.3.1989
    13. Bro. Pc. Dailova - Ni 9.6.1990
    14. Rev. Zalawma - Ni 29.12.1990
    15. Rbt. Saihnuna Sailo - Ni 27.9.2008
    16. Rbt. Dr. Lalramhluna - Ni 10.4.2010
    17. Rbt. Dr. Lalramhluna - Ni 16.7.2011
    18. Sist. Lalhmangaihzuali Hmar - Ni 18.7.2011
    19. Sist. R. Khawngaihzuali - Ni 19.7.2011
    20. Sist. Vanlalhruaii Zote - Ni 23.7.2011
    21. Rbt. Dr. Lalramhluna - Ni 20.8.2011
    22. Upa. F. Chaldaia - Ni 29.12.2012
    23. Upa. F. Lalmawia - Ni 28.12.2013
    24. Upa. Saihnuna Sailo - Ni 4. 1. 2014
    25. Rev. R. Lalrosanga - Ni 11.8. 2018
    26. Evan. Sangthuama Sailo - Ni 28.12.2019
15. Church Board Special Committee Vawi 16-na Dt, 12.10.14 Rorel No.1-na chuan, heng kan unaute hi Dan khatnaa inneih that an dil angin, Bialtu Pastor Rev. C. Zohmingliana’n Ni 23.10.2014-ah a inneih thattir.
    1. Evan. Sangthuama Sailo leh a nupui Sist. C. Vanlalrovi.
    2. Bro. Sanghmingliana Sailo leh a nupui Sist. Rebecca Chanchinmawii Ralte
    3. Bro. Ramnghaksanga leh a nupui Sist. Overmawii
    4. Bro. R. Lalmalsawma leh a nupui Sist. Lalchuanpuii
    5. Bro. Lalthankhuma leh a nupui Sist. F. Lalthlamuanpuii
16. Church Board Committee Vawi 8-na, Ni 3.8.2014 Rorel No. 3-na chuan, District Kohhranpuiin ‘Thianghlimna kumpuan’ ngawrh takin a kalpui a, Campaign te nei a, Local lam te pawh kalpui tura min ngenna bawhzui nan, Tualchhung Kohhran inkaihhruaina Dan leh hrai kan hman mek angin, Zuk leh hmuama inthiarfihlim lo rawngbawltuten, Pulpit Maichamah rawngbawl theih a ni lova. Hemi bakah hian Kumpuan bawhzuina leh hmalakna atan Maicham bul Stage-a Rawngbawltute thutnaah hian, zuk leh hmuama inthiarfihlim lo rawngbawltute chu thut tawh loh ni se, hei hi zau taka puanzar ni se tih a ni.
17. Church Board Committee Vawi 10-na, Ni 2.10.82 Rorel No. 4-na chuan, Farm Veng UPC ten in dan an dilna chu remtihsak ni se, Kum 1988-ah in dang turin hma la se, Kohhran Committee te lo indin se, Kohhran Chairman leh Secretary pawh Seal siam phalsak ni se tih rel a ni.
18. Church Board Committee Vawi 10-na, Ni 2.10.1990 Rorel No. 3-na chuan, Urshan Memorial Fund leh Russia ram rawngbawlna tur Rs. 350/- hi ngaihtuah a ni a. Kohhranpui - Rs 90, LAD - Rs. 90, PYD - Rs. 90 leh Ramthim Dept. - Rs. 90 thawh ni mai se tih rel a ni.
19. Church Board Committee vawi 5-na, Ni 21.6.1994 Rorel No. 4-na chuan, Zu zuar leh Drugs zuar te chungchang Chammari Branch YMA ten Action lak chungchangah, Kohhran te ngaih dan min han zawhna chu ngaihtuahin, “ Zu zuar leh Drugs zuar te chu Kohhranin kan ngaimawh ngei tur chu a ni a. Amaherawhchu, an chunga kut thlak a, an in luah atanga hnawh chhuah thu-ah hi chuan Kohhran rilru put dan tur atang hi chuan thil tih chi a ni lovin kan hria a. Vantlang/khawtlang nu leh pa koh khawmnaah ngaihdan lak ni zawk se tha tih a ni.

Tun dinhmun:

Headquarters Local-ah hian member 403 (kum 2025 report-ah) an awm mek a, Upa -7, Senior Upa - 2, Licence Holder - 11, Rawngbawltu - 4 an awm mek. PYD member - 190, LAD member - 98, PCD member - 85, PMD member - 27 an awm mek bawk.

Kum 2025-2026 chhunga Local hruaitute chu :