KOHHRAN DIN TURA HMALAK DAN

Chhipphir khua hi chhim leh hmar, chhak leh thlang ram laili tak, Thenzawl atanga KM 29 vel, Haulawng atanga KM 36 vel a ni. In zathum sawmnga (350) awmin, thingtlang hmun nuam tak a ni. Kum 1961 kum hian Pu Saithanchhunga’n Pathian rawngbawlna neiin a thu leh hla pawh a tla tha viau a, heng hun lai hian Kohhran dang awm lovin Baptist Church of Mizoram chiah an awm a ni. Tin, heng hunlai hian United Pentecostal Church (UPC) hi hmuhsit an hlawh em em a, “Papawl” tih ngatin an lam thin a ni. Kum 1962 thal laiah hian Pastor Chuauruma chu rawngbawlin Chhipphirah hian a kal ve leh a, mite hmuhsit karah Pu Thangkhuma leh Pu Thangbawnga te hian Isua Krista hming chuan Baptisma an chang phawt a, mi dang ten an han chang ve leh a, chutah member sawm (10) lai an lo ni ve ta a ni.

Kohhran hruaitu hmasa ber atan Pu Thangkhuma leh Pu Thangbawnga te hi ruat an ni a, ni 11.05.1962 hian United Pentecostal Church Kohhran chu din a lo ni ta a ni. Kohhran hruaitu hmasa ber atan chuan hengmite hi ruat an ni :

Ni 11.05.1962 :

• Upa Thangkhuma
• Upa Thangbawnga
• Member-te : PC Thangzawna, PC Lianhmingthanga, Chalkhara, Dohliri, Thansangi, Hrangkhumi, Hlunngenga, RK Sailana, Ngurchhawni

Ni 20.01.1965 :

• Chairman : Upa Thangkhuma
• Secretary & Treasurer : RK. Sailiana
• License Holder : PC. Doliana, PC Kapsanga, R Lalrinmawia

BIAK IN SAK DAN

Kum 1964 kum hian a ban tur Thingril hem a ni a, a bang lei, a chung Di-a sak a ni a, hei hi vaiin min halsak ta a ni. Biak in hmun pangngaiah sa thei lovin hmun dangah maurap bawkin Upa R. Sawithuama kawt chhakah Biak in hi sak leh a ni a, hetah hian hun eng emaw chen kan awm hnuin Bellei tlang, sipai Camp hlui tlangzawlah Assam Type-a sak leh a ni a, chu chu 18th Assam Rifle hovin min luahsak ta a, chuta tang chuan kan Biak in sak hmasak berna, kum 1964-a kan hmun hluiah bawk kan sa leh ta a ni.

Heta tang hian damdawi in vengah Assam type-in Biak in chu kum 1990 hian sak a ni a, kum 1991 kum hian vanduaithlak takin thlipuiin min tih chhiatsak ta vek a, hemi hnu lawk hian a thara sak that leh thuai a ni. Kum 2010 hian RCC-a sak thar leh a ni a, a dung 60 ft, avang 30 ft-a zauva sak a ni. Kawngpui lamah tukverh pali (4), chhim lamah tukverh sawm leh pakhat (11), hmar lamah tukverh sawm leh pakhat (11) a awma, Centre beam chungah a tawn tawnin tukverh pariat (8) ve ve a awm bawk. Gallery chungah tukverh panga (5) awmin, a chung Rangvaa sak a ni a, Baptisma khur siam a ni bawk a. Rokhawlhna leh harsatna awm lovin, tun thleng hian Pathian zarah kan Biak in hi kan la luah chhunzawm zel thei a ni.

Tin, kum 1984 March thla khan Haulawng Bial atangin Chhipphir bial tiin kan in dang a, kan in dan hnua Pastor hmasa ber chu Pastor F. Aihrima a ni. Kum 1986 hian Pastor Quarters pawh Assam type tha taka sak nghal niin, mamawh hrang hrang turte pawh dah nghal niin tuizem tha tak te buatsaihsak nghal a ni bawk. Hemi hun lai vel hian Kohhran member 208 vel lai kan ni bawk. Tin, tunah hian Pastor Quarters tha tak RCC a sak a ni.

• Sak tan : Ni 1 June 2005
• A dung : 40 feet
• A vang : 21 feet
• Tha sen zat : 673
• Luah tan ni : 22.03.2006

Pathian zarah rokhawlhna leh harsatna awm lovin, tun thleng hian Pastor Quarters hi luah chhunzawm zel a ni.

KOHHRAN HRUAITU HMASATE (1966-1969)

• Chairman : Upa Thangzawna
• Secretary : R Hmingliana
• Treasurer : PC Zaliana

DEPARTMENT HRUAITU HMASATE

1. Pentecostal Youth Department (PYD) (Formed 12th Feb 1981) :

1981-1982 Hruaitute :

• President : Lianhmingthanga
• Secretary : Evan R Lalrinmawia
• Treasurer : Evan. R Lalrinmawia

2. Ladies Auxiliary Department (LAD) (Formed 27th Feb 1971) :

1971-1974 Hruaitute :

• President : Dohliri
• Secretary : Thansangi
• Treasurer : Ngurchhawni

3. Missions Department (Formed 1987) :

1987-1988 Hruaitute :

• Director : Upa PC. Zaliana
• Secretary/Treasurer : PC. Zosiamliana

4. Sunday School (Formed 1985-1986) :

Hruaitu hmasate :

• Superintendent : Upa PC Zaliana
• Secretary/Treasurer : Upa PC Zahlira
• Fin. Secretary : PC Zosiamliana

5. PCD (Formed 1987) :

1987-1988 Hruaitute :

• President : Vanlalchhawna
• Secretary : Lalbiakchhuangi
• Treasurer : Lalchawiliani
• Sr. Adviser : Lalrinchhana

KOHHRANA THIL THLENG CHHINCHHIAH TLAK TE

• Tun a kan Biakin luah lai hi RCC a sak a ni a, a dung lam hi feet sawmruk (60) a ni a, a vang lam hi feet sawmthum (30) a ni bawk. Tin, District hian a chung tur hi min pe bawk a ni.
• Mission Department ah hian kum tin in District Target kan tlak thin bawk.
• Tunah hian Kohhran member hi Za Sawmkua Paruk (196) kan awm mek a. Mipa hi Sawmkua Pali (94) kan ni a, Hmeichhia hi Za leh Pahnih (102) kan ni bawk.
• Kohhran in awm zat Sawmthum leh Pariat (38) ni in, kar chhuak Pakhat (1).
• Tui Baptisma chang zat hi Za Sawmthum Panga(135) kan ni a, chang thar hi Pariat(8) niin changtawh zawng zawng hi Za Sawmli Pathum(143) kan ni bawk.
• Thlarau Baptisma chang zat hi Sawm Sarih Pariat (78) kan awm bawk.

TUN DINHMUN

Chhipphir Local-ah hian member 196 (kum 2025 report) awm mekin, Upa 4 leh Rawngbawltu 4 an awm mek a ni.

Upa ni lai mekte :

• (1) Upa R. Lalrinliana
• (2) Upa PC. Kapsanga
• (3) Upa R. Zahlira
• (4) Upa C. Vanlalruatdika

Rawngbawltu ni lai mekte :

• (1) H. Rinthianghlima
• (2) T. Lalromawia
• (3) R. Lalmuankima
• (4) Nl PC. Lalhriatkimi