KOHHRAN DIN TURA HMALAK ANIH DAN :

Kum 1966-ah Mizoram chu rambuai niin; chumi avang chuan heng a hnuaia tarlan Khua pariat (8) te hi Zobawk Khuaah sawi khawm an ni a. Chungte chu : - Dawn, Chengpui, Ralvawng, Hlumte, Sairep, Bualte, Thangpui leh Zotui (Pukpui) te an ni.

Dawn khua atanga Zobawka lut hmasate zingah hian, UPC member lo ni sa, mi tlem te an awm a. Chung mite chuan Kohhran din la ni chiah si lovin, mimal In remchangah te inhmuh khawmna te neiin, mimal In remchangah te inkhawmna an buatsaih ta thin a ni. Amaherawhchu, Kohhran din a la nih chiah rih loh avangin, UPC mi leh sa boral an awmin, Upa C. Lalruata hian a vui mai thin a ni. Inkhawmna te tluang taka buatsaih a lo nih chhoh zel tak avangin, UPC Kohhran chu din nghal turin ruahmanna chak takin an kalpui ta nghal a.

Kohhran a lo din theihna tur atana sulsutu mi eng emaw zat awmin, chung zingah chuan heng mite hi a khaipate an ni :-

(1) Pu Aikhuma - Dawn
(2) Pu Rochhinga - Dawn
(3) Pu Thanmawia - Dawn
(4) Pu Chalzama - Dawn
(5) Pu C. Lalruata - Dawn
(6) Pu R. Liannawla - Dawn
(7) Pu Rualkhuma - Ralvawng
(8) Pu Dochhuma – Chengpui

KOHHRAN DIN A NIH DAN LEH HRUAITU LO NI TAWHTE:

A chunga kan tarlan tak mi thahnemngaite zarah, kum 1969-ah Zobawkah hian UPC Kohhran din a lo ni ta a ni. Kohhran thar din a lo nih takah chuan, Pastor J. Laltluanga’n 'ZOBAWK LOCAL' tiin hming a lo puttir ta a ni. Kum 1970-ah Kohhran chu hetiangin form a lo ni ta a ni :

BIAK IN NEIH DAN TLANGPUI :

Kum 1969 atangin Biak In hmun tur ngaihtuahin, sak tan nghal a ni a. A bang dap, a chung di-a sak a ni. Kum 1976-ah a bang chu Tile-a thlak a ni leh a. Kum 1978-ah Biak In thar sak chhunzawm a ni a. Semi RCC-a sak tan a ni ta a, 1980-ah Biak In thar hi luah a ni ta a. Tichuan, kan Biak In neih lai chu duh khawp lohna a awm tak avangin, Biak In thar sa turin 1999-ah hma lak tan a ni leh a. Pathian hruainain sak zawh thuai a ni a, Kum 2000-ah luah luh a ni leh ta a ni. Hun a lo kal zel a, Biak In tha leh changtlung zawk it-na leh duhna a awm avangin, kum 2006-ah Biak In RCC-a sa turin bul tan a ni a. Kum 2009 kum lai hawlah luah luh a lo ni ta a ni. Kohhran member te kan lo pun chhoh zel avangin, Biak In chu kum 2017-ah extend a ni leh ta a. Tuna Biak In Area hi a dung Feet 70 X 45 Feet a ni ta a ni.

Thil chhinchhiah tlakte :
1. Kum 1972-ah District Kohhranpui Conference dawl a ni.
2. Kum 1986-ah District LAD Conference dawl a ni.
3. Kum 2017-ah District PYD Conference dawl a ni.

Pathian hruaina leh awmpuina azarah Ni 23.11.2019-ah Golden Jubilee ropui takin ruai nen lawm a ni bawk.

Tuna Kohhran dinhmun : 2025-2026 Kohhran hruaitute :

Tunah hian Kohhran member 216 vel ni mekin, Zobawk Bial Centre an ni. Zobawk Local atangin Lunglei District-ah Pastor pahnih Rev. PC.Nghakliana(Rtd) leh Rev R. Lalsangzuala te lak an ni bawk.