Tuisenchhuah hi PB Road-a awm niin, Zawlpui leh Thenhlum inkara awm a ni a. Thenhlum Bial huam chhunga awm thin a ni. Tunah chuan Zawlpui Bial chhungah an awm. Mizoram buai avanga khaw sawi khawmah khan Belkhai khua chu Bunghmun ‘W’-ah hruai khawm an ni a. Hetah hian Tuisenchhuah Kohhran dintu ber, Pu Vanchhingpuia te chhungkua pawh hruai an ni a. Sawi khawm kir lehah Belkhaia hi kir tawh lovin, Tuisenchhuah lamah an pem thla ta a. Pu Vanchhingpuia te chhungkua hi UPC ni sa an ni a. Pu Lalriruaia'n a belh bawk a (Pu Lalriruaia hi an chhungkuaah amah chiah hi UPC a ni). Dt. 25.10.1973-ah khan Bunghmun bialtu Pastor, Lalhranga’n tlawh chhuakin, Kohhran a form ta a ni. Chuta hruaitute chu hengte hi an ni.

Hetia kohhran form a nih lai hian an vaiin member 11 an ni a.Tunah erawh chuan Pathian malsawmna dawngin member 90 chuang lai an ni ta a ni. Tin, Pu.Vanchhingpuia hi a dintu a nih mai bakah tun thlenga kohhran khaipa berah a la tang reng a ni.

Kohhran hote hian Biakin an nei mai lova, Pu.Vanchhingpuia inah hian kum 13 teh meuh inkhawmna an nei thin a ni. Kum 1986-ah Biakin hmasa ber chu tundin a ni ta a. Daprap maia sak a nih avangin rei tak a daih lo va, chuvangin tum thum lai sak a ni tawh a ni. Tuna an luah lai hi Dt.14.1.2006-ah a bul tan nana lung phum tu District Treasurer Rev.R.Lalrosanga’n hawnna leh Pathian hnena hlanna a nei a. He hun atan hian Upa LH.Vanlalenga’n a vawk thawhin kohhran hoten a dang pakhat an lei belh bawk a, tisa leh thlarauvah tlai leh puar takin hun an hmang a ni. He Biakin hi Rahsiveng Section Missions Department ten Work Camp a an sak a ni a. An rawngbawlna hi Pathianin mal sawmin member pawh engemaw zat an seng lut a ni.

Tun dihmun :

Kum 2023 kum tir atangin Biakin RCC a sa mekin, a len zawng feet 60/28 a ni. Tunah hian Kohhran member 84 (Kum 2025).

Kum 2025-2026 hruaitute: