Putlungasih khua hi PB Road-a awm niin, Zawlpui leh Belthei inkara awm a ni a, Lungsen Biala awm thin niin, tunah hian Zawlpui Bial chhungah an awm mek. Khaw pangngai ve tawk tak niin In 300 bawr vel lai an ni.

Kum 1998 hma lamah Pentecost Kohhran hi din a la ni lo va. Hemi a nih avang hian, District Missions Department chuan Kauchhuah Field huam chhungah dahin, Kauchhuaha Evangelist Evan. Chalzuama’n, a theih ang angin rawngbawlna a nei thin a. Ni 10 May 1998-ah chuan Kohhran duhawm tak a lo piang ta a. Hetih laia Lungsen bialtu Pastor MS. Dawngliana’n Kohhran form-na neiin, hruaitu hmasa atan chuan heng mite hi ruat an ni.

Kohhran din a nih tirh hian member 32 an ni a. Hruaitu hmasate hian theih tawpin hma an la a. Kohhran changtlung leh nghet zawka din a nih theih nan, Lungsen bial PYD te chuan, anmahni pualin Putlungasih khuaah hian Evangelist rawih ni se an ti a. Chu hna thawk tur chuan Bro. H. Rothuama, Lungsen chu an ruat a. Anni chhung hian Pathian kohnaah ngaiin, Dt. 9.5.2000 khan an rawngbawl hna tan turin Putlungasih hi an lut a ni. Kum 4 chhung lai mai, Lungsen Bial PYD te inpekna avanga an thawhna chuan, rah duhawm tak a chhuah chho va. Lungsen bial PYD te hian Evangelist chen nan hian, Quarter tha tak an saksak nghe nghe a ni. Lungsen Bial PYD te thawhrimna chu District Missions Department chuan chhawkin, Dt.1.1.2004 atangin mawhphurhna an la ve ta thung a ni. Bro. H. Rothuama hi District Missions Department-in Free Evangelist atan kum 2005 atangin a chhawr ta a, Putlungasih Local pawh P.B. Road Field chhungah dah a ni chho ta a, tunah hian Kohhran duhawm tak niin member pawh 130 chuang lai an ni tawh a ni.

Kum 2001 atang khan, theih ang angin Biak in nei turin an sual chho ve a, kum 2003 kum tawpah chuan luah theihin an peih ta a. Dt.11.1.2005-ah Rev. Zalawma, District Secretary chuan Pathian hnena hlanna leh hawnna hlimawm tak a nei ta a ni. Kum 2001 atang khan, theih ang angin Biak in nei turin an sual chho ve a, kum 2003 kum tawpah chuan luah theihin an peih ta a. Dt.11.1.2005-ah Rev.Zalawma, District Secretary chuan Pathian hnena hlanna leh hawnna hlimawm tak a nei ta a ni.

Tun dinhmun :

Putlungasih hi District Missions Department enkawlna hnuaiah Home Missions Field-ah hawn a ni a, Evan H. Rothuama, Evan Lalchungnunga, Evan Simona Hmar,Evan PC. Lalremruata (Buanga), Evan T. Biaklala, Evan Lalhriatmawia leh Evan Lalthlamuanawma te an awm tawh a ni. Biakin pawh RCC-a sain, an luah lut tawh a, Biak in, a dung leh vang len zawng hi feet 42/24 a ni. Tunah hian (2025) Kohhran member 65 vel an ni.

2025-2026 Kohhran hruaitute chu :