KOHHRAN DIN CHHOH DAN

Chawngte hi Lunglei khaw thlang lam Chhumkhum (Rotlang) atanga pengin Lunglei atanga KM 96 vela hla a ni. Kum 1963-ah Rev. Hrangchina leh Lungrang khua atanga Member eng emaw zat ten rawngbawlna an nei. An rawngbawlna atangin Pu Chaldaia leh Pu Zaithuama ten Baptisma an chang a, Pu Zaithuama zawk chu a let leh ta. Rambuai avangin kum 1968 khan Lungrang chu Chawngte-ah January 1968 khan sâwi khâwm an ni a. UPC lo ni tawh sate nen chuan member 240 chuang an lo ni ta a ni. Chutih laia Kohhran hruaitute chu:

Upa : 1. Sawngkha, 2. Zazawna, 3. Suakthuama, 4. Lianchhunga, 5. Dartlinga

Rawngbawltute : 1. Lalchawia, 2. Evan. Liankhuma, 3. Suakhranga, 4. Chaldaia (Secretary), 5. Lianhranga

Rambuai a lo reh deuh a, kum 1972-ah mi tam zawkte chu Lungrang lamah an kir chho leh ta a, member 35 chauhin bul an tan tha leh ta a ni. Pu Suakhranga leh Pu Lianchhunga te chuan thusawi rawngbawlna an nei thin a. Pu Chaldaia erawh chu Secretary niin meuh meuh thusawi rawngbawlna lam chu a nei lo thung.

BIAK IN NEIH DAN

Pu Suakhranga kawm thlangah Biak in te reuh te an nei a. Tuna Biak in hmun hi ZBM Biak in hmun thin a ni a. VC hnen atangin Rs. 200/- in an lei. Kohhran Chairman hna hi Upa Lianchhunga hian a thawk nghal bawk.

Biak in a dung Ft. 30, a vang Ft. 18-in an sa a, 1991-ah thlipuiin a tichhia a, Biak in an sa leh ta a, kum 3 luah a nih hnuin, thli chhe tuar tanpuina sawrkar leh General te, District atang te-in Rs. 15,052.50 an hmuh avangin, tan nasa taka lain 1994 khan a dung 36 ft, a vang 24 ft chu Concrete-in an sa ve ta a. A hun lai chuan UPC Kohhran zinga Biak in tha pawl tak a tling awm e. Chu Biak in chu 2021 khan thiah niin, tunah hian Biak in thar a dung ft 60, a vang ft 54-a sak a ni a. Estimate Amount hi Nuai 60 a ni. Kohhrante an phurin an hah hle thin. November ni 29, 2025 khan District Superintendent Rev. C. Lalrintluanga'n ropui takin Biak in hi a hawng.

TUN DINHMUN

Tunah hian member 187 (kum 2025) an ni mek a, Department te pawh mumal leh chak takin an kal thin a. Kohhranpui tan an tangkaiin nasa takin sum leh pai an thawk chhuak thin. Tun dinhmuna (2025-2026) kohhran hruaitute chu: