Kohhran Din Tan Dan

Kum 1960-ah khan Dr H. Thanglura te nupa chu Tlabung Damdawi inah thawkin an rawn awm a, Kum 1961-ah Pastor Lalthianghlima chu rawngbawl tura chahin, a rawngbawlna atangin miten Baptisma chan an duh ta a, Pastor Lalthianghlima chuan Baptisma rawngbawlna neiin, Pu Sentawta chu Baptisma chang hmasa ber a ni ta a ni. Mi dang pawhin zui chho zelin rei lote-ah mi 65 an lo tling thuai a. Pastor Lalthianghlima rawngbawlna atangin Kohhran chu Ni 3 November 1961-ah a ding chho ta. Dr. H. Thanglura te inah hian inkhawm thin a ni.

Kohhran din tirha hruaitu langsar zualte chu Dr. H. Thanglura, Lalsikhupi (Dr. H. Thanglura nupui), J. Thantluanga (P/S Teacher), Lianchhunga, Zathanga, Chhunglawma, Sentawta te an ni. Zathanga leh Sentawta te hi Baptist Kohhran rawngbawltu ni lai an ni. Upa ruat hmasak berte : Upa J. Thangtluanga, Upa Zathanga, Upa Lianchhunga te an ni.

Kohhran Hruaitu Hmasate

11 March 1962-ah Sectional Pastor J. Laltluanga chuan Kohhran form-in, hei hi inruatna hmasa ber a ni. Tlabung hruaitu hmasa berte chu :

• Chairman : Upa J. Thantluanga
• Secretary : Upa Lianchhunga
• Treasurer : Dr H. Thanglura

Church Board member-te :
Khawlha, Chhunglawma, Sentawta, Upa Zathanga te an ni.

Sunday School Department hruaitute hmasate :
Superintendent : Lalsikhupi
Secretary/Treasurer : H. Hrangchhuana te an ni.

Biak In Neih Dan

Biak in hmasa ber hi Date 25.5.1962-ah Maurapin sak a ni phawt a, a len zawng hi 24/12 feet-in sak a ni. Kum 1966-ah a lian zawkin sak leh a ni. Kum 1970-ah a ren thingzaiin sak a ni a, a chung leh a bang chu Di leh Mau hman tho a ni. Kum 1978-ah Assam type-in sak a ni ve ta a ni. Kum 1981-ah Concrete-a sak turin Church Board Committee chuan a rel a, kum 1985-ah Concrete-in sak a ni ta a. A leng zawng pawh 50/28 feet a ni. Vanduaithlak takin 1991 Cyclone tlehin a tih chhiatsak a ni. May 1991-ah luah theihin sak a ni leh ta a ni. Tuna an Biak in luah lai hi Date 4.5.2006-ah Rev B. Kamliana, Sectional Pastor chuan Biak in lung a phum a, Date 5.5.2006-ah Biak in ban khur laih tan nghal a ni. Biak in len zawng hi feet 57/27-a zau niin, Biak in changtlung leh mawi tak an lo nei ta.

Tun Hun

Tunah hian member 211 (kum 2025) ni mekin, Biak in sirah hian Sunday School Hall leh Committee room tur 32/60 feet-a zauin an sa mek a, Sectional Pastor Muanpuia Colney enkawlna hnuaiah chak takin hma an la mek.

Kum 2025-2026 chhunga Local hruaitute :

• Chairman : Upa P. Lalreia
• Vice Chairman : Evan PC. Thanchuanga
• Secretary/Statistician : Rbt P. Lalchhuanmawia
• Asst. Secretary : Bro Lalhlimpuia Punte
• Treasurer : Upa P. Lalthansiama