Thu Hma

Dinthar Kohhran hi Lunglei District khaw thlang lam, Tlabung atanga khaw thlang Tuipui hnar lam, 2km vela hlaa awm a ni a, a mi chêngte hi Bru hnam niin Chakma chhungkaw tlem te an awm ve bawk a ni. Kohhran a din hun lai hian Dinthar hi In 70 (Tun 2025-a In awm zât 56) vêl niin, mihring hi 315 (Kum 2025- mi 280) vêl an chênga chhinchhiah a ni. Kohhran hi Brù Baptist Church leh Seventh Day Adventist te chauh awmin, Chakma awm ve te hi Buddhist Sakhua an ni thung. Dinthar hi Tlabung Village Council (VC) hnuaia awm a ni.

A Din Chhoh Dân

Hmalak tan dân :
UPC North East India Executive Board-in kum 2022 August thla hi rammut hun atân a lo ruahman angin, Lunglei District Emergency Board-in District chhûnga hma lakna turah ruahmanna a siam a, chung zingah chuan Dinthar hi rawn telhin, Rammu turin Sectional Pastor R. Lalremsiama chu a rawn ruat nghal a, August thla chhung rammu turin a rawn ruahman ta a ni.

District Emergency Board rorel bawhzuiin Tlabung Section tân hma a la chhunzawm nghal a. Duh anga lehkha hmuh hma a nih loh avâng leh, thla tîr lama Section leh Local-ah programme a awm ve neuh neuh avangin, ni sâwm hnu lamah hma lakna kalpui theih chauh a ni.

Ram mut/en vawi 1- na :
Dt. 12 August, 2022 (Friday) ni hian Sectional Pastor, Pastor R. Lalremsiama leh Section Secretary Bro. P. Lalchhuanmawia te chu tlai lamah, Dinthar khuaah han chhovin, Kohhran tân hmalakna chi a ní ang em tih te en fiahin, khawtlang dinmun te han en fiah a ni phawt a ni.

Ram mut/en vawi 2- na :
Sectional Pastor leh Section Secretary-te chu Dinthar-ah han kal lehin, Pathian thua kawm tur te han zawngin, in hrang hrangte lën kual a ni a, innghahna tur te zawn nghâl a ni.

Ram mut/en vawi 3- na :
Sectional Pastor leh Secretary te chu Dinthar hmunah chho lehin, zan lamah te kawm tur zawngin theihtawp chhuahin hun an hmang leh a, riah chilh turin thlen in tur hmuh a a nih loh avangin, Tlabungah an haw leh rih thîn a ni.

Rammut vawi 4- na :
Hemi tum hian Sectional Pastor R. Lalremsiama leh Section Secretary-te chuan, kawmtur bakah thlen in tur te hmuin Bro. LH. Zuala chuan an thleng thei dawn a ni tih a awka te hriat a ni ta a, an lawm hle. Tin, Kohhran pawh din theih mai beiseina lian tak an nei ta a, a boruak thlîrin Crusade neih thaa rin a nih avangin ruahmanna siam a ni a, Evan F. Lalsanglura chu chah a ni ta a ni.

Member Thar Kan Nei Ta

Evan. F. Lalsanglura chu Dt. 15.08.2022-ah Tlabung rawn thleng thlain, a thian turte - Upa Lalrinmawia, Mautlang leh Upa Ukila leh Upa Thangliana, Buknuam te pawh an thleng thla ve nghâl a. Dt. 16.08.2022-ah riah chilhin hun hman nghal a ni a, theih tawp chhuaha hun hman a nih hnuah, Dt. 20.08.2022 Pathianni chawhnuah District Mission Director, Rev. R. Vanlalenga'n, United Pentecostal Church member ni turin mi 16 te chu, Lalpa Isua hmingin Kohhranah a lawm lût ta a. Evan. F. Lalsanglura'n Baptisma rawngbawlna a neih chhunzawm a, Kohhranhote an hlim hle a ni. Hemi ni atang hian Pathian hruainain Kohhran member duhawm tak, Dinthar hmunah kan lo nei ta a ni.

Kohhran A Ding Ta

Dt. 23 November, 2022 (Nilaini zân) a ni a, he mi zân hian Kohhran form-na neih a ni. Kohhran form hi Sectional Pastor, Pastor R. Lalremsiama chuan a kaihruai a, Tirhkohte thiltih 2:36 thu chhiarin sawi zauna te nei a, Pathian hnênah tawngtaina a nei nghâl bawk. Hemi hnu hian Kohhran form-na neih a ni :

Kohhran hming : 'United Pentecostal Church North East India, Dinthar Local'

Upa Ruat :

1. Tuitherai
2. Lalsângpuia
3. Konomohan

Rawngbawltu :

1. LH.Zuala
2. Poida boti (A Mizo hming-Lianmawii)

Church Board :

• 1. Chairman : Upa Tuitherai
• 2. Secretary : Rbt. LH. Zuala
• 3. Treasurer : Upa. Konomohan
• 4. Statistician : Rbt. LH Zuala
• 5. Sawma Pakhat Treasurer : Upa Lalsângpuia
• 6. Buhfaitham Treasurer : Sist. Lalhmuaki

Kohhran Form-na neih puitute :

1. Pastor R. Lalremsiama
2. Evan. Vl. Huanmawia
3. Evan. P. C. Thanchuanga
4. Upa Vanlalhruaia
5. Rbt. P. Lalchhuanmawia

Hêng hruaitu ruat thar te hi Kum 2022 chhûng atân ruat an ni.

Dt. 23 November, 2022-a Kohhran Form-na neih a nih hnu, tun thleng hian Dinthar hmunah Kohhran tha tak kan lo nei ta a ni. Lalpa fakin awm rawh se!

Kohhran a din atangin Kohhran form pawh pangngai taka kalpui ve zel a ni a.

Kum 2025 - 2026 Kohhran hruaitu-a ruatte :
Upate : Tuitherai, Lalbiakthanga leh Konomohan
Rawngbâwltute : LH. Zuala leh Biakchhînga

Church Board Committee :

• Chairman : Upa Tuitherai
• Secretary : Upa Lalbiakthanga
• Treasurer : Rbt. LH Zuala
• Statistician : Home Missionary
• Asst. Secretary : Rbt. Lalsângpuia
• Sâwma Pakhat Treasurer : Rbt. LH Zuala
• Buhfaitham Treasurer : Sist. Lalhmuaki

Sunday School Department :
Director : Rbt. Biakchînga
Secretary : Upa Lalbiakthanga
Treasurer : Home Missionary

Missions Department :
Director : Upa Konomohan
Secretary : Upa Lalbiakthanga
Treasurer : Home Missionary

Ladies Auxiliary Department :
President : Sist Lianmawii
Vice President : Sist. Lalnunmawii
Secretary : Sist. Vânpari
Asst. Secretary : Sist. Lalbiaknii
Treasurer : Sist. Lalhmuaki
Adviser : Upa Lalbiakthanga

Pentecostal Childrens Department :
President : Sist. Vânpari
Secretary : Jerusalem-Lalbuatsaihi
Treasurer : Sist. Lalfakawmi
Adviser : Rbt. Biakchhînga

Biak In Tundin Chhoh Dân

Kohhran member kan neih sâ te leh Kohhran hma hun zel tur thlirin, District Kohhranpui chuan Dinthar hmunah ram neih tha a ti a. District lam hotute, Section hruaitute leh Local neitute inbe râwnin chak taka hmalâk nghâl a ni. Hun eng emaw chen an buaipui hnuah, Sum leh pai eng emaw zât sêngin ram zau tha tak, Dinthar hmunah kan lo nei thei ta a ni.

Kohhranin Biak In sakna tur ram kan neih tâk avângin, Biak In sâ tûra hmalâk nghal a ni a. Lunglei District Kohhranpuiin a saknä tur a sunction te, Pukpui Section PMD ten hna tlânga an thawh te, Section chhung Kohhran Department hrang hrang leh mimal tlâwmngai, Section chhûng leh pawn a miten, sum leh pai leh thâ leh zung tam tak an sen ralna avangin, Biak In chu tun din chhoh a ni ta a ni.

Dt. 06.01.2023-ah Biak In hmun leh a sam fai hnâ hnatlang thawh a ni a. Mi 17 lai hnatlang thawh chhuah a ni.

Dt. 06.02.2023-ah Biak In lungphûm phum a ni a, Lungphum phûmtu hi Rev. R. Lalrinsanga, General Superintendent niin, he hun hi Rev. PC. Lalfakawma, Treasurer Lunglei District, Rev. R. Lalrosânga, Former Superintendent leh Pastor R. Lalremsiama ten an tawiawm. Section Department OB-te leh Section chhûng Kohhran member thahnem takin an tawiawm bawk a ni.

Dt. 05.04.2023 (Nilaini zân) Dînthar Local Biak In thara Inkhâwm luh hmasak ber neih a ni a. Hemi zân hian Tlabung Sectional Pastor, R. Lalremsiama chuan Pathian thuchah a sawi a, Kohhranhote an hlim tlâng hlè. (Biak In erawh hawn a la ni lo)

Biak In Hawn :
Dt. 28.10.2023 (Inrinni) zing lam Dar 10:00 am hian, Biak In thar hawnna Programmme neih a ni a. Rev. C. Lalrintluanga, District Secretary chuan Lalpa Isua hmingin a hawng a ni.

Biak In Hawn Program :

Dt. 28.10.2023 (Biak In Hawn Nî) :
Chairman : Evan. H. Ramfanzauva
Hawngtu/Sermon : Rev. C. Lalrintluanga

Dt. 28.10.2023 (Inrinni Zan) :
Chairman : Rbt. Lalchhuanmawia
Sermon : Pastor R. Lalremsiama

Dt. 29.10.2023 (Pathianni Zîng) :
Chairman : Pastor Muanpuia Colney
Preacher : District OB atangin

Dt. 29.10.2023 (Pathianni Zân) :
Chairman : Upa P. Lalhmingthanga
Preacher : Pastor F. Lalsanglura

Tlipna

Dinthar hmuna Pentecost Kohhran din a nih lai hian, inhmuhsitna leh In deuh sawhna a nasa hle a, inhmuhsitna tawngkam, a tawngtuten tun hun thlenga an la sawi chu, 'UPC tawp ho', 'UPC rim chhe ho etc.' tih te hi a ni a. Heng täwngkam te hi Bazar hmùn leh an tual lai lênnaah te a ni, a document tih fel ngai, Sawrkar Office pante pawhin mawi lo tak taka lo tawng khum a tâwk bawk a ni awm e.

Engpawh chu ni se, Krista Kohhran kal lai chu lei mite tih tawp theih a ni lova, hun a kal a, Kohhran member pawh an pung zel. Evangelist H. Ramfanzauva, Voluntary-a awm chilh lai te leh Tirhkoh Hminghlumawia, District Kohhranpuiin Home Missionary a rawih chhûng te pawhin, member an pun belh zêl a. Kohhran thanna chu, Church Administration-ah te, Rinna leh Pathian thu hriatna kawng dangah te, Kohhrana thil pek leh khawsak hona thilah te pawh, a takin a hmuh theih tan ta zel bawk a ni.

Lunglei District Missions Department chuan, Dinthar hmuna Kohhranhote enkawl tur leh, ram beihna hna thawk chhunzawm tûr te-in, hmalâkna a kalpui leh ta bawk a, Tirhkoh Hminghlumawia (Rângte S Local) chu Home Missionary atâna an lâk hnu, Ni 1 February, 2025-ah an tîr thlà nghâl a. Tunah hian Missionary Quarters nei fel tawhin Kohhranhote a thut chilh mêk a ni.

Dinthar Kohhran hi din a nih atanga kum 3-na hmang mêk chauh nimahse; a than chak dân ngaihtuahin sengkhawmna lam ngaihthah mai chi a nih lohzia a lang a ni. Kohhran nghet, Kohhran thang duang tak a nih zel theih nân, Dinthar lam hawiin i tawngtai mawlh mawlh teh ang u.