Zobawk atangin kum 1974-ah Thaizawlah an phei a, an phei kumah hian BCM lam nen inkhawm hona an nei a. Ni 13.2.1976-ah hian an pawisa neih chhun ang ang te insemin, ni 15.2.1976-ah inkhawm hranna an nei.

Kohhran Din Tantute

Upa Selhnuna, Upa Zahmuaka, Lalhminga Sailo, Ch. Biaksanga, Lalhluna Sailo leh C. Lalsawma

Hruaitute

Kum 1976-ah hian LAD din nghal a ni. Hruaitu hmasate chu :

PYD hi Ni 20.8.1978 ah din a ni. Hruaitu hmasate chu :

Biak In Neih Chho Dan

Biak in neih hmasa ber kha, lehkha pawh a niin number 2-na, kan Pi Kumtharin a pawt a. BCM lamin duh an thlang hmasa. Ni 15.2.1976-ah inkhawm hranna an nei a, Upa Selhnuna te inah an inkhawm a. Heta tang hian thing te zaiin Biak in ren tur an sual a, hnatlang ngawrh taka an neih hnuah kum 1980 March 8 khan Biak in hmasa ber hi Chanmari bial a nih laia hawn a ni. A hawngtu Pastor Zalawma niin, Rev. H. Chalchhunga lo kal telin, Biak in hawnna hi a hman pui bawk. Hei hi Biak in neih hmasak ber a ni.

Biak in pahnihna hi kum 1985-ah sa tura inbuatsaih leh nghal a ni a. Pathian awmpuina leh venna azarah Biak in pahnihna pawh chu sak zawh leh a nih hnuah, kum eng emaw chen luah a nih hnuah Ni 19 May 1997-a Cyclone thli lo tleh khan, Biak in chu a rawn ti chhiain, thiaha sa tha tura inbuatsaih leh nghal a ni.

Heng Atangte Hian Tanpuina Kan Dawng

1. Lunglei Dist UPC - Rs. 2000
2. USA atang in - Rs. 3000
3. Theiriat Section PYD ten Thaizawl Local-ah Sport meet neih a ni a, Ni 14-16.5.1999-ah heta an thawhlawm Rs. 127 leh pawisa 20 an hmuh chu Thaizawl Local Biak in sak nan an hlan bawk.

Biak in pathumna hi hetianga tanpuina sum kan dawn atang te leh, a ren tur thing te zaiin a theih ang anga hma lain, a banah hian RCC ban tal chhun ve tuma hma la bawkin, chhun zan zawma theih tawpa hmalak a nih hnuah luah luh ve leh a ni.

Biak In Pali Na

Kum 2017 atanga hma la tanin Biak in thiat lovin, chhung khunga sak tan tura hmalak nghal a ni. Biak in palina lungphum phumtu hi Rev. R. Lalrosanga a ni. A sei zawng hi ft 57 a ni a. A vang lam hi ft 26-a sak a niin sum lam kan pachhiat em avangin, duh anga hmalak chak theih pawh a ni lo. Mahse Kohhranhote inpekna a sang hle-in, thahnemngaih a nain sum leh pai, mimal atangte-in kan dawng nual bawk. NH 54 kawngpui zauhna sum tlem kan dawng a, District lam atangin tanpuina kan dawng bawk. Kum 2023-ah Biak in chu luah luh ve phawt a ni ta a, tunah hian thuam that ve mek zel a ni.

Kum 2025-2026 Hruaitute

Thaizawl Local ah hian member 105 (kum 2025 report) an awm mek a. Upa-3, Rawngbawltu-3, Licence Holder - Evan C. Lalsawma leh Bible Women - K. Lalnunpari te an awm mek. Local hruaitute chu :