Muallianpui khua chu :

Muallianpui khua hi Hnahthial District chhunga awm a ni. S. Vanlaiphai khua atangin hmar chhak lamah 18 Km vela hlaa awm a ni a, khaw hlun ang reng tak a ni. Tunah hian Muallianpui khuaah hian In 190 vel leh mihring 1500 vel an khawsa mek.

UPC Kohhran lo pian dan :

Tun hma chuan Baptist Kohhran vek an ni thin. Rambuai sâwi khâwmah S. Vanlaiphaiah sâwi khâwm an ni. Rambuai a lo zia deuh hnuah, Sorkarin mahni khaw lama let leh phalna a chhuah khan, Muallianpui khaw mite pawh Kum 1972-ah khan In 20 vel lai chu an khaw lamah an kir leh a ni. Anmahni khaw lama an kir leh kum 1972 Krismas hi Pu Lengkiauva te Inah an zaikhawm a, an zai tui hle mai a, a kum leh January thla chhung deuh thaw chawimawina nen an zaikhawm hian a awh a ni.

He hlimnaah hian zaikhawm dawltu pa, Pu S. Lengkiauva rilruah Baptisma thu a lo thleng nasa hle mai a. An Pastor te, an Kohhran upate hnenah a sawi a, anni chuan Isua hminga Baptisma chantir an theih loh thu an sawi a ni. Hetih hun lai hian Thingsai khuaah UPC rawngbawltu, Sist. Khualdailovi, Serchhip khuain rawngbawlna a nei a, chu chu an han chhim a, Muallianpuia rawngbawl turin an han sawm pah nghe nghe a ni. Muallianpuiah chuan rawngbawlna a nei ta nghe nghe a, a rawngbawlna engah Ni 4.2.1973 chuan Baptisma khur chu hawngin Pu S. Lengkiauva’n a chang hmasa ber a, hemi tum hian mi 10 vel an ni. He Baptisma rawngbawlna atang hian, Pi Zaiiangi, Pu Cheuchina nupui, Thinlian leh mitliam, kal lama an puak thlak chu chawp leh chilha dam nghalin, haw lamah chuan a mahin a kal nal nal thei mai a ni.

Baptisma an chan hnu hian UPC-ah an awm mai chuang lo va, Isua hminga Baptisma an chan hnu hi chuan Baptist Kohhran lamin an Kohhranah an pawm tawh bawk si lo, eng emaw chen chu a lai laklawhah an awm a ni.

Hun a lo kal leh det a, Ni 28.5.1978 chuan Muallianpuiah chuan UPC chu an din ta a ni. Kohhran hruaitu hmasa berte chu :

Biak in chungchang :

Tuna an Biak in luah lai khi Ni 14.4.2018-ah Bialtu Pastor Jerry Lalmuanawma chuan a lungphum phumin, Rev. C. Vanlalena, District Superintendent chuan Ni 16 July 2022-ah a hawng a, Sr. Upa K. Lianhnawla chuan vawk a thawh nghe nghe a ni.

Tun dinhmun :

Report siam lai (2025) ah hian member 143 an ni mek.