KOHHRAN DIN TURA HMALAK A NIH CHHOH DAN :

Dengsur tlanga Pentecost Kohhran a lo din nan hian, mi thahnemngai leh mi inpe ten theihtawp chhuahin rawng an lo bawl tawh thin a. Record fel tak kan neih loh avangin a fik fak chuan sawi a har deuh a ni. Kum 1987-88 vel khan Evan. R. Lallianzuala of Sertlangpui hian rawng a lo bawl tawh a. Tirhkoh Rohlira’n Buarpui hmun atangin Kum 1993-94 vel khan rawng a lo bawl tawh bawk a. Tin, Evan. B. Kamliana’n Buarpui hmun atang bawkin kum 1998-2000 bawr vel khan rawng a lo bawl tawh bawk a ni. Chumai bakah Pastor Lianhranga, Sertlangpui Bialtu Pastor a nih lai khan kum 1987-88 vel khan rawng a lo va bawl tawh bawk a. Heng hun lai hian a vawi khatna atan Baptisma khur hawn a ni ta a, mi 8-in Baptisma an chang a ni. Puitling paruk leh naupang pahnih an ni. Baptisma changte chu :

1. Bro. Tlangthata    2) Bro. H. Biaktluanga    3) Sist. Biaktluangi
4) Bro. Lalenga    5) Sist. Zosangi    6) Sist. Lianveli
7) Lalchawiliani    8) Vanlalhmangaihi te an ni.

Kum 1987-89 vela Isua hminga Baptisma changte chu a theih ang angin an inpawl khawm ve thin a. H. Biaktluanga leh Lalenga te inah an inkhawm ber thin. Mahse hun eng emaw lai khan tlawhpawh lutuk lovin an awm a, an lo hnufual leh ta hlek a. Chumi hnu chuan rawngbawlna te nei lehin zawi zawiin hmalak chhoh leh a ni a, member pawh kan pung ve leh ta hlek a ni. Tichuan, Evangelist eng emaw zatin rawngbawlna an nei kal reng a, Kohhran Record-a a lan dan chiang ber, Dengsur Kohhran lo dinna tak chu hetiang hi a ni ta a ni.

KOHHRAN DIN/FORM A NI :

District Superintendent Rev. R. Lalrosanga chuan Ni 15 November 2011 (Thawhlehni)-ah Biak In lungphum te phumin, Bro. H. Biaktluanga te Inah Kohhran Form-na a nei nghal a ni. Bro. H. Biaktluanga, Bro. Lalenga leh Pc. Remliana of S. Khawlek te Kohhran form-naah hian an kal a. Minute Secretary atan Evan. Simona Hmar hman a ni bawk. Bialtu Pastor. R. Vanlalenga leh Bial Treasurer Upa. H. Hmunsanga ten min telpui.

District Superintendent Rev. R. Lalrosanga’n Leilung pian tirh ata UPC dinna ngai lohna hmuna UPC din a ni chu lawmawm a tih thu a sawi a, hetiang hi Kohhran hruaitu hmasa te chu an ni ta a ni :

BIAK IN SAK CHHOH DAN :

Ni 15th Nov, 2011 (Thawhlehni) tlai lam Dar 4:30-ah District Superintendent Rev. R. Lalrosanga chuan Biak In lungphum hi a phum a. Ni 16th November 2011 hian a ban te chhun nghal a ni a, Local leh Bial huapin Work Camp neih chhoh a ni a, theih tawpa kan sual hnuin Ni 12th February 2012 (Sunday)-ah Biak In luah tan a ni ta a ni. Leilung piantirh ata Dengsur UPC Biak Ina kan han inkhawm ve thei ta chu kan lawm tlang hle a ni.

Biak In pual hian mimal, Local, Bial atang pawhin tanpuina leh thilpek kan dawng nasa hle a, Lunglei District Kohhranpui atangin Rs. 1,27,400 kan hmu bawk a ni. Tichuan, chu Biak In chu tun thlenga kan luah lai hi a ni ta a ni.

THIL THLENG LANGSAR :

Dengsur Kohhran hi Lunglei District Missions Department hnuaiah kum 2011 atangin Missions Field-a puan a ni a, puan a nih hma atang tawhin Bial rawihin rawngbawltu tirh luh a ni thin. Dengsura Evangelist-a lo thawk tawh te chu :

1. Evan. Lianhmingthanga of Zobawk (2008-ah Bial Missions rawih)
2. Evan. Lallianbuanga of Vanhne (2009-ah Bial rawihin)
3. Evan. R. Lalthlamuana of Sekhum (2010 –ah Bial rawihin)
4. Evan. Simona Hmar 0f Sertlangpui (2011-2014 Dist. Rawihin)
5. Bro. Vanlallawma of Lungmawi (2015-2016)

Tin, Field kan nihna hi Kum 2016 khan tih tawp a lo ni ta a. Vanneihthlak deuhin kum 2017 khan Darngawn khua atangin kan rawngbawltu, member 30 bawr vel an lo pem chho hlauh mai a, tichuan mahni kut ke-a dingin, tunah hian member 70 (report 2025) vel an awm mek.