Biak in pahnihna din tura sulsutna :

Kum 1996 vel atang tawh khan Venghlun Local Biak in hmun hi a thlan/mawng deuh avangin, tar chak lo deuhte tan pawh panna nuam zawk a nih beiseiin, Biak in pahnihna tur hi sawi rik a lo ni ve tawh a. Hmalakna pawh eng emaw chen chu veng chung lam memberte atangin kalpui a ni tawh. Amaherawhchu Church Board lam ngenna avangin hmalak chhunzawm a ni ta lo a. Kum 2005 a lo nih chuan, Biak in pahnihna tur hi sawi rik leh a lo ni ta a, Local Church Board Committee, Date 10.1.2006 leh 23.5.2006 rorelnaah sawi ho a ni a, “Biak in pahnihna din turin a hmun te pawh lei hmasak ni se,” tiin Kohhran in tinah vehbur te pawh khawnin hmalak a ni. Church Board Committee, Ni 3.11.2009, Rorel No 5-na chuan, Biak in hmun lei tur lo dap turin Committee a din a, mahse sum harsatna avangin thutlukna fumfe tak tak a awm thei rih lo a. Hemi hun lai hian ‘Biak in hmun hi hralhin hmun dangah sawn chhuah ni se’ tih rawtna awmin hmalak a ni. Church Board Committee, Ni 11.10.2011 Rorelna No 3-na chuan, Pu Zoramchhanthanga in hmun hi Biak in hmun sawn chhuah, Project kal mekah remchanna a nei dawna ngaiin, ruahman anga a lo kal loh pawhin, Biak in pahnihna sak nan a tha dawna ngaiin lei ni se” tih a rel a. Rs. 50,000 advance pek ni se tiha rel angin pek a ni.

District lamah te a hmun leina tur dil a ni a. District Board thu chhuak vide LD UPC/B/DCB/2012/69 chuan kan harsatnate hre thiamin, Rs. 3,50,000 a sanction a, Local lamin Rs 70,000 (20%) kan tum thung. Biak in pahnihna tur Account atanga pek a ni. Hei hian Biak in pahnihna din turin kawng a sial zau ta hle a ni.

Biak in pahnihna din leh hawn :

A hmun ber a awm takah chuan Church Board Committee, Ni 24.1.2014 chuan Fund Rising Committee dinin, Biak in pahnihna sak turin chak takin hma a la zui ta a. Church Board OB leh Fund Rising Commmittee ten ruahmanna an lo siam, “Biak in thar Assam type-a sain, a dung 48 ft, avang 24 ft ni se, Estimate pawh Rs. 2,42,110/- ni se” tih chu, UPC Venghlun Church Board Committee, Ni 6.4.2014, Rorel No. 4-na chuan a pawm a, hmanraw la khawm turte pawh inruatin chak takin hmalakna kalpui a ni.

Biak in pahnihna din leh hawn thu :

Biak in pahnihna tur hming phuah turin rawtna hawn a ni a, rawtna pathum lut atangin Church Board Committee chuan ‘ZION LOCAL’ tih hming chu a pawm ta a ni. Date 15.11.2014 khan Rev. C. Darkhuma, District Superintendent chuan Biak in sakna tur lung a phum a, Rev. C. Zohmingliana, Headquarters Bialtu Pastor nen an huaihawtna hnuaiah hnatlang neih a ni a, member 33 hnatlangin Biak in sakna tur hmun sam fai a ni. Date 17.11.2014-ah Biak in sak hnatlang tak tak thawh tan niin, mi 20 an thawkchhuak. Hemi hnu hian hnatlang chu chat lak lovin thawh zel a ni. Vawi 73 hnatlang koh a ni a, tha 1352 sen a ni. Kohhran pawn lam atangin min hnatlanpuiin tha 24 dawn a ni.

Zion Local Biak in luah leh hawn:

Biak in sak peih a nih takah chuan luah lum nghal mai thaa hriat a ni a, A hun atan Date 18.4.2015 ruatin Bialtu Pastor Rev. P. Lalthanga chuan Biak in hi a hawng. Biak in hawnni hian Kohhran member-te leh pawn lam atang pawhin, thil pek chi hrang hrang dawn a ni. Biak in hawn hma atang hian Pulpit, Dawhkan, Lecturn leh thil tul leh mamawh hrang hrang, Kohhran in dan ruala hman turin lo siam lawk a ni.

Zion Local Church hruaitu hmasate:

Date 19.4.2015-ah Church Board Committee neiin, Kohhran in-form nghal a ni a. Rawngbawltu pahnih lak belh an ni. Kohhran in dan tirh hian member 225 vel niin, Venglai Local-a lawi kan member sa te pawhin min belh bawk.

Missions Department :

Sunday School Department :

PYD :

LAD :

PMD :

PCD :

Biak in hmun lei belh leh Biak in thar:

Church Board Committee, Date 9.8.2015, Rorel No. 3-na chuan, Biak in luah mek kawm chhak hmun chu lei belh tha a ti a. Rs. 11,00,000/- in lei a ni. Date 26.1.2018 khan Rev. R. Lalrosanga, District Superintendent chuan Biak in thar tur lungphum a phum, Biak in thar tur hi feet 65/32 niin, Rs. 150 lakhs estimate Amount a ni. Tunah hian Biak in hi sak mek a ni.

Tun hun:

Zion Local-ah hian member 271 (kum 2025) an awm mek. Upa -5, Rawngbawltu - 8, Licence Holder- 1 an awm mek. LAD Member -57, PYD member -60, PCD member -53 PMD member -20 an awm mek bawk.

Kum 2025-2026 Local hruaitute :