KIKAWN LOCAL CHANCHIN

Kikawn Local UPC hian a hma lama lo tih ho let letna te chu nei bawk thin mahse; District Headquarters pawmpuia Bialtu Pastor hoa inkhawm hranna an neih tak chu, Ni 12 April 1995 (Nilaini zan) a ni a. He mi atanga chhut hian 12 April 2020 hi Silver Jubilee a ni a. Kohhran ten lawm tura ngawrh taka in buatsaihna a neih laiin, Covid-19 hripui avangin lawmna Programmee a hun takah neih theih a ni ta lova, pawi kan ti hle mai. Kohhran a in dan tan tirhah hian chhungkua 14 vel leh members pawh 76 vel an ni a.

Kohhran hruaitu hmasate: Date 12.4.1995 nilaini zan khan Sist. Rohmingthangi, Kikawnah Bialtu Pastor C. Darnghaka hovin Kikawn Local Church chu din (formed) a ni. Hengte hi hruaitu hmasa berte an ni.
Chairman : Upa Laldawla
Vice Chairman : Upa C. Thanglaia
Secretary : Bro Ramfanzauva
Treasurer : Upa PC. Pakunga

Upate :
Upa PC. Pakunga, Upa C. Rohlira, Upa Laldawla, Upa Thanglaia te an ni.

Rawngbawltute:
CR. Lalchuailova, C. Vanlalpianglawma, R. Lalramfawni, Vanlalzamveli te an ni. District Conference Upa palaiah Upa C. Rohlira ruat a ni bawk.

Biakin neih chhoh dan: Biak in hmasa ber hi mi in hnuai Maurapa ping phui chawpin luah a ni a. Tuna Pu PC. Liantluanga kawt chungah hian Biak In hmasa ber chu sak a ni ta a. Hemi hian Pu CR. Lalchuailova Ram chu cheng Nuai 10-a leiin, tuna Concrete Building-ah hian insawn a ni leh a. He Biak In sakna hmunah hian a lungphum, Bialtu Pastor Rev. Ralkapkunga Khiangte-in, Ni 20.3.2018 khan a phum. He Biak In tuna luah lai tak hi a nihna takah chuan Sunday School Hall tur a la ni rih a, a chungah hian Biak In tak tur chu sak chhunzawm tura hma lak mek a ni.

Tun dinhmun: Kikawn Local-ah hian member member 182 (kum 2025 report) ah an awm mek. Tunah hian Upa -4, Rawngbawltu -3, Licence Holder -1, Bible Women - 1, Sr Upa -1 an awm mek. Tunah hian Biak in sak turin ruahmanna a kal chho mek bawk. Hemi chhung hian Sunday School Hall, Biak in hnuai nuam takah an inkhawm mek.

Kum 2025-2026 Local hruaitute : Chairman : Upa CV. Lalrohluna
Secretary : Upa Joseph Vanlaltluanga
Treasurer : Upa V. Lalduhsaka
Statistician : Evan. Kenny Biakkunga