Lungsen khua :

Lungsen hi Lunglei atanga khaw thlang lam, Lunglei lehTlabung inkara awm, khaw hmun nuam tak a ni. Lunglei atanga 57 Km vela hlaa awm a ni. BDO thut hmun niin, Tunah hian In 550 vel awmin, mihring hi 2700 vel an awm mek a ni.

UPC Lungsen South lo din dan :

Lungsen Chhimveng Kohhran din hma hian, Lungsen Hmarvengah UPC chu a lo ding daih tawh a. Chutih laiin rambuai avangin Lungsen chhehvel khuate chu, kum 1968-ah Lungsen khaw chhim lamah hian sawi khawm a ni a. Chung khaw sawi khawma UPC member ni sate chuan Lungsen chhimveng lamah hian, UPC Kohhran chu an din ve ta a ni.

Hruaitu hmasate :

UPC Lungsen South Kohhran din tirha Kohhran hruaitute chu hetiang hi an ni :

Rawngbawltute : P. Liantluanga, LP. Liankhuma, Lalbiaa, Lalhluta, Selthanga, Chhuanvawra, Lianchhunga

Hun a lo kal leh det a, khaw hrang hrang sawi khawm (Grouping) hote chu, rambuai boruak a zia awm a, ram a lo ralmuan tak deuh hnuah, mahni khaw lama kir leh phalna, Sorkarin a tih chhuah takah chuan, a tam zawkte chu mahni khaw lamah an kir leh ta a, chutiang a lo nih avang chuan, kum 1969-1970 lai bawrah khan, Lungsen South Kohhrante chu, Kohhrana chhiar tham loh khawpin member an lo tlem leh ta a

Din thar leh dan :

Tichuan, kum 1971-ah Kohhrana chhiar tham loh khawp a, Kohhran kan tiahvai mek chu, Rev. Lalthima thahnemngaihna leh hmalaknain, Kohhran chu form thar a lo ni leh ta a ni. Tichuan, Rev. Lalthima’n Kohhran a form ni, Ni 15 April, 1971 chu, Lungsen Hmarveng UPC din ni atan pawm a lo ni ta a ni.

Biak in din chhoh dan :

Biak in nei lova kum khat dawn an awm hnuah, Biak in chu an lo puah ve ta a, tichuan kum 1972 khan Biak in hmasa ber chu luah theihin peih a ni ta a. Biak in pawh vawi-4 lai sak a nih hnuah, tuna luah lai hi, Ni 28 March, 2001-ah bul tan niin, a dung lam 56ft leh a vang lam 33ft-a lian niin, sum leh pai tam tak leh tha leh zung tam tak sengin, thahnemngai takin sak chhoh a ni a, tichuan, Ni 11 June, 2014-ah, District Superintendent, Rev. Ralkapkunga Khiangte chuan, Pathian hnenah hlanna leh hawnna a nei ta a ni.

Biak in hma lam pawh chei mawi that zel niin, Biak in Compound an nei tha hle a. Biak in tha leh changtlung tak an nei mek.

Lungsen Chhimveng UPC hun tawn hriatreng tlakte :

Kum 1983 March thlaah, District PYD Conference a dawl ve tawh a, hlung takin hman a ni.

• 1. Ni 25th September, 1995-ah Khawvel pum huap UPC (International UPC) Golden Jubilee leh Lungsen South Local 24th Anniversary hlim taka lawm a ni a, Souvenir (Magazine) te siam a ni.
• 2. Dt. 18th February, 2000 khan, UPC North East India lawmna hun hman a ni bawk.
• 3. Ni 18th February, 2010-ah UPC North East India kum 60-na (Diamond Jubilee) hlim taka lawm a ni bawk.
• 4. Ni 15th April, 2021-ah, Covid hri len avanga harsatna tam tak karah, Kohhranin a kum 50-na (Golden Jubilee), hetih hun laia District Superintendent, Rev. C. Vanlalena hovin hlim taka hun hman a ni.

Kum 2025-2026 hruaitute :

Tunah hian kKohhran member 288 (2025 report) an awm mek a ni.