Lungsen North Local :

Zoram hmun hrang hranga Pentecost Kohhran din a nih khan, mi thenkhat rilruah Pentecost Kohhran din ve duhna a lo piang a. Kohhran din a nih theih nana Committee hmasa chu; Kum 1960 January thla tirah, Pu Vanthanga In-ah neih a ni. Hetih laia Pu Vanthanga in hmun chu; tuna Pastor Quarters hmun hi a ni a. Pu Vanthanga hnen atang hian Pu Lawmkunga’n In chu a lei a, Pu Lawmkunga hnen atang hian Pastor Lalthima’n lei chhawng ve lehin, Pastor Lalthima hnen atang hian Kohhranin Pastor Quarter hmun atan a lei chhawng ve leh a, tun thleng hian Lungsen Section UPC Pastor Quarter atan la hman chhunzawm zel a la ni ta reng a ni.

Kohhran din tura Committee neih hmasak berah hian, Kohhran an din thei nghal mai lo va, Committee vawi hnihna chu a tuk leh zanah neih chhunzawm leh nghal a ni a, Hemi zan Ni 17 January, 1960 hian, ‘United Pentecostal Church, Lungsen Local’ chu din a lo ni ta a ni.

Kohhran lo din chhoh danah leh hruaitu hmasate chungchangah hian tlem tlema sawi dan inang lo hlek hlek te chu a awm a. Hemi chungchang hi vawi tam tak chhui nawn leh niin, hetih hun laia awm ve leh hre tura ngaihte leh la dam awm ang angte kawmin, an thusawi atangin a dik ber tur ngaihtuahin; Local church Board-in ngun taka ngaihtuahin kan zir ho leh a ni. Chuvangin, tuna ziaka kan dah hi a dikin a pawmawm bera kan ngaih chu a lo ni ta a ni.

KOHHRAN DIN A NIH LAIA COMMITTEE-A TEL TE :

• 1. Vanthanga (L), Chawlhhmun, Aizawl.
• 2. P. Tlanglawma (L) Lungsen ‘N’
• 3. ZD. Ngurliana (L), Lungsen Venglai.
• 4. P. Lawmkunga (L) Lungsen ‘N’
• 5. Thladoluma (L) H/O Melkungi
• 6. P. Liankhuma Lungsen ‘N’

KOHHRAN UPATE :

• 1. Upa Chalkhuma (L) F/o Lalduhthlanga, Lunglei (LDF)
• 2. Upa Monea(L) H/o Ngurtinchhingi (L) Lungsen ‘N’
• 3. Upa P. Liankhuma, Lungsen ‘N’

RAWNGBAWLTUTE :

• 1. Lalthima (L)
• 2. P. Tlanglawma (L)
• 3. Hrangbuanga (L)
• 4. Suaka (L)
• 5. Lalkhawchhana (L)
• 6. Biakluaia (L)
• 7. Chhimthanga (L)
• 8. P. Lawmkunga (L)

KOHHRAN HRUAITUTE :

EVANGELIST-A CHHER CHHUAHTE :

• 1. Evan. P. Liankhuma
• 2. Evan. Lalnunthara
• 3. Evan. P. Tlanglawma
• 4. Evan. Lalramsang Jongte

PASTOR CHHUAK TAWH : Rev. H. Rothuama

Kohhran din a lo nih hian member 50 vel an tling nghal a, Biak in an la neih loh avangin Pu Thladoluma In (tuna Biak in hnung lamah)-ah an inkhawm thin a ni. Kohhran din a nih atanga rei lote-ah hian Biak in tur buatsaih nghal a ni a, Biak in ban atan thingril hman a ni a, Biak in chung atan Di hman a ni a, a Bang atan Dap Malkalh hman niin, Thutphah atan Mau pum tawn khawm hman a ni.

Hun rei lote hnuah Pastor Laltluanga hovin mi 20 velin Kohhran ding thar hi an rawn tlawh a, Pu Monea In-ah inkhawmna neih thin a ni. Kohhran hruaitu hmasate pawh, Pastor Laltluanga hian ruatna a nei nghal a ni. Kohhran hruaitu ruat ni hian Baptisma rawngbawlna neih niin, Pu Biakluaia huan mawngah Baptisma rawngbawlna hi neih a ni a. Hruaitu tharte tana tawngtaisakna hi Pu Liankhuma F/o Pastor Laltluanga’n a nei nghal a ni. Hetih lai hun hian Department dang a la ding lo va, Kum 1964-ah PYD (Conqueror) erawh chu din a ni tawh a ni. Kohhran member an pung hret hret zel a, rambuaiin a rawn nang zui a, a hnu leh zela hruaitute erawh hriat zui theih a awm mumal ta lo a ni.

Tunah hian Lungsen North Local hian Biak in sak hna an tan mek a, Ni 28.10.2025 khan Bialtu Pastor, Pastor Zion Rammawia chuan Biak in lung a phum a, sak tan hna an thawk nghal. Biak in len zawng hi a dung 60ft, a vang 42 ft (with gallary) niin, Nuai 63.5 estimate amount a ni.

Lungsen North Localah hian tunah hian member 204 (Kum 2025) ah hian an awm mek.

Kum 2025-2026 Local hruaitute chu :